Popular Bible Verses from Wuwale 21

Share

Nayo Muwaha Mulungu yakawa kumulonjela Musa yanoze nzoka ya shaba, yayitumbice mwi'bici, no munhu wo wose mono lizoka lyomuluma, hono yagalamile yayilanje nzoka yiyo, munhu yuyo kopona.

Hobaho Musa yakawa kuyinoza nzoka ye shaba, yakayitumbika mwi'bici. No munhu wo wose mono yalumwa ne zinzoka zi zilya, nayo yakagalamila no kuyilanga nzoka ye shaba, hobaho munhu yuyo yakapona.

hobaho wakawa kumung'ung'ulicila Mulungu hamonga na Musa, wakutya, “Alu nhawule wukaciwusa mu yisi ya Misili ho cifwile mumu mu nyika yiyi, i hanhu hono hasina ndigwa, hamba malenga bwete go kung'wa. Nase si cosuma hamba hadodo kukangalila kujendelela kulya ndigwa yiyi mhelu mhelu!”

Nayo Muwaha Mulungu yakawa kuwagumilila Waisilayeli mazoka. Na wenji wa muli wene wakalumwa ne mazoka gago wakafwa.

Hobaho i wanhu wakawa kumuziza Musa wakamutya, “Gwe Musa, ase cisutya vyono cimung'ung'ulicila Muwaha Mulungu, hamonga sunga na gwegwe. Alu cikukulomba, wumulombe Muwaha Mulungu yagawuse mazoka gaga.” Nayo Musa yakawa kuwalombela wanhu kuli Muwaha Mulungu.