Popular Bible Verses from Wuwale 20

Share

Ninga Muwaha Mulungu yakawahosa Musa na Haluni, yakawatya, “Alu vyono si munyihuwiye 'ne, na kanyhi vyono si musacile no kuvilajila vilungo vyangu viwaha vyono vyelile, hali wanhu wawa Waisilayeli, hodu, nanye si mowalongoza wanhu wawa, sunga muwafise ku yisi yono nawehuwiza vyono nowapela.”

“Ale wusole nghome yako yono yili ha mwande ye Lisanduku lye Cilagane. Hanyuma agwe hamonga na Haluni, muwakongholele hamonga wose we mhuga ye Waisilayeli. Nanye mulilonjelaje litalawe lilyo ha mwande yawo, nalyo litalawe lilyo lyolavya malenga. Na mu nzila yiyo, mosuma kulavya malenga, mu wulawa mumo mwi'talawe, nawo wanhu wotuga malenga, wong'wa weneco hamonga ne mitugo zawo zose.”

Hanyuma Musa yakawa kuyinula nghome, yakalitowa litalawe kali kejete. Malenga gakalawila menji muno muno nha muvwilo. Ne wanhu wose wakang'wa wakaca, hamonga sunga ne mitugo zawo zose.

Musa na Haluni, wakawa kuwakongholela mhuga yose hamonga ha mwande ye litalawe. Nayo Musa yakawa kuwalonjela wanhu yakatya, “Ale ta muhulicize, anye mono musina cihuliko! Wulenyi, cimuletelenyi malenga galawe mwitalawe lili?”