Popular Bible Verses from Yoshuwa 10

Share

Lizuwa likema litulile, nawo mwezi wukatulana, sunga lono likungugo lyali lyakondya kuwasuma i walugu wawo. Nazo zizi zandicigwe mu citabu ca Yasheli. Lizuwa likema litulile haciligati yo wulanga hamba si lyaswa yaye mwi'zuwa lilyo.

Mwi'zuwa lyono Muwaha Mulungu yawapelela wanhu wa Isilayeli wusume kuli Waamoli, Yoshuwa yakamulonjela Muwaha Mulungu hamwande ye Waisilayeli yakatya, “Go lizuwa, ale, wime wutulile hacanyha ya Gibeyoni, Nagwe go mwezi, wime hacanyha ye lilolo lya Ayaloni.”

Kanyhi kusina yizuwa linji lyono lyejela kotya lili, hamba si lyolokwijela kanyhi, lyono Muwaha Mulungu yakawuvumila wulonje wo munhu. Hambi Muwaha Mulungu nha yawalewela Waisilayeli.

U Muwaha Mulungu yakamulonjela Yoshuwa yakamutya, “Wulece kuwogopa wawo, hambi nha nakondya kukupela wusume. Hasina hamba yunji muli wene, mono kosuma kwima ha mwande yako ho mwihome nayo.”

Hanyuma Yoshuwa yakawatya i wawaha. “Mulece kogopa, hamba kwinjilwa na woga, mweze ne vilungo kanyhi no wutung'ati, hambi azi, nha zo Muwaha Mulungu ko kwituma muli walugu wenyu wose.”