Popular Bible Verses from Mwamulizo 37

Share

Mwizuwa linji ne cilo, Yusufu yakalota ndoto, nayo yali yeza kuwalonjela wawahaze, oho! Wene nhondo ho wakacila kumusula muno muno.

Nayo Isilayeli yakawa yamwendile muno muno yuyu mwanagwe Yusufu, si nha wanagwe wanji wose, vyono yali yo mwana wo wukombi wakwe. Holeka yakamuhonela Yusufu kanzo nhali.

Ninga i wanduguze wali weza kuwona vyono sogo yawo yamwendile Yusufu si nha weneco, hodu wakamusula, hamba si walonganaga nayo kanyhi ko mulamu.

Yusufu yakalota ndoto yinji kanyhi, nayo yakawalonjela wawahaze, yakatya, “Ta muhulicize, ane ndota ndoto yinji kanyhi, niliwona lizuwa no mwezi, hamonga ne zinyelezi yikumi na monga vikunyinamila.”

Ale wanduguze wakamuwonela wivu, ninga u sogo yawo Yakobo, yakajendelela kuyihwesa muno nghani yiyo.

Mwene yakawalonjela yakutya, “Ta, muhulicize ndoto yono ndotile zuwali. Ane ndota vyono, wose cali cili ku mugunda cikuwopa madulu ga ngano, na lanje ta, niwa kuwona lidulu lyangu likwima wima. Ne madulu genyu, gawa kwikongholela hamonga gose, gawa kulizinga haciligati lidulu lyangu, gawa kulinamila.”

Alenyi cimuwulaje, ciwutaje muwili wakwe mwi'kombo linji. Hanyuma ase cotya vyono, lilimu lya mu mbago limuwulaga. Na hanyuma ho cowona zizo zindoto zakwe vyono zowa.”

Nawo Wamidiyani wasuluza wali weza kufika baho, wene wakawa kumukwega Yusufu ku wulawa mwi'kombo, wakamuguza kuli Waishumayeli kwa wuguzi wa fweza makumi mejete, nawo Waishumayeli wakamutegula Yusufu ku Misili.

Wakalongana weneco wose, wakutya, “Ale, ayulya mulota zindoto yakuza.

Nawo i wawahaze wali weza kumuwonela kutali yakuza, hodu wakawa kwilumbaniza wamuwulaje.

Mulecele lukulu kuyimwaga sakami. Langa ane nghuwona, yili ciba hono mumugwilize mwi'kombo alino ahano hono nyika, ninga mulecele lukulu kumutamisa.” Nayo yalonga nhavivyo, ho yasume kumuponya Yusufu mu miwoko yawo, hanyuma ho yamugomole ku kaya ko sogwe.