Popular Bible Verses from Wutuluce 20

Share

“Ane yo nene Muwaha Mulungu, u Mulungu wako, mono nakuwusa mu yisi ya Misili, kono wali wuli mu wuwanda. Wulece kuwa na milungu yinji, langa nene du.

Wulece kwinozeza cihwani ciseswe, hamba cihwani cinji co cose cono cili ku wulanga kucanyha, hamba cono cili mono yinze, hamba cono cili mu malenga kusi ye yisi. Wulece kuvihemba hamba kuvitumamila, hambi ane no Muwaha Mulungu, u Mulungu wako, nha nili Mulungu wo wivu, Nane nghuwalipiciza wana wubi we walezi wawo, sunga ku lulelo lwe kadatu na lwe kane lwa wono wasulile.”

“Wogopaje sogo no nyina yako, vilo vyo wikale wako ho viwe vinji mu yisi yono yakukupela Muwaha Mulungu, u Mulungu wako.

Weze kulikumbucila lizuwa lye Sabato wulisiwanule.

“Wulece kulitumamila litagwa lyo Muwaha Mulungu wako mu zinzila zimbi. Hambi Muwaha Mulungu nha komulipiciza munhu wowose mono yakulitumamila litagwa lyakwe mu zinzila zimbi.

Mu vilo mutandatu weze kwituma no kukondelezeza lukulu milimo yako yose. Ninga lizuwa lyo mupunghati, yo Sabato yo Muwaha Mulungu, u Mulungu wako. Holeka mwi'zuwa lilyo wulece kwituma mulimo wunji, gwegwe, hamba mwanago we cilume, hamba we cicekulu, hamba wetumami wako we cilume hamba we cicekulu, hamba mitugo zako, hamba mujenzi wako mono yali hako.

“Wulece kuyisulumila nyumba yo muyago. Wulece kumusulumila mucekulu wo muyago, hamba mwitumami wakwe we cilume hamba we cicekulu, hamba ng'ombe yakwe, hamba ndogowe yakwe, hamba cinji co cose co muyago.”

“Wulece kulavya wuhomelezi wo wulambi kuli muyago.

“Wulece kusenyha.

“Wulece kuwulaga munhu.

“Wulece kuhiza.