Popular Bible Verses from Wutuluce 2

Share

nayo Mulungu yakacihulika cililo cawo, yakacikumbucila nhavivilya ne cilagane cakwe muli Abulahamu, na Isaka, na Yakobo. Yakawuwona no wuwanda we Waisilayeli, Mulungu yakawakamisa.

Na yali yeza kupuluta myaka minji, yuyo Falawo mutemi wa Misili yakafwa, ninga Waisilayeli wali wakali wajendeleye mu wuwanda, akuno wakulila, wakulondola wutazi. Cililo cawo cikamuficila Mulungu

Mwana yuyo yali yeza kuwa yawiluka, u mucekulu yuyo yakamutegula kuli mwana we cicekulu wa Falawo, nayo yakamubocela yakawa mwanagwe. Yakawa kumucemela litagwa lyakwe Musa, yakutya, “Vyono namunimula mu malenga.”

Nayo mwana we cicekulu wa Falawo yakamutya yuyo mucekulu, “Gwe yaya, musolaje mwana yuyuno wukanyoseze, nane nokulipa.” Mucekulu yuyo yakamusola mwana no kumosa.

Ale baho, yakawa kuza u mwana we cicekulu wa Falawo ho yehovuje mumo mwikolongo, lono wetumami wakwe we cicekulu, wajendajendaga ha mwejelele we likolongo. Nayo yakaliwona kwa nhinicizo litenga yisosomece mugati ye madete lulenga. Yakamutuma mwitumami wakwe we cicekulu yakalisole yamuletele.

Nayo Musa lono yali yawiluka yawa munhu mututu, mwi'zuwa linji yakabita kuwalamusa wanduguze Wahebelaniya. Yakawona vyono Wamisili wawetumyaga no kuwadindimiza kwituma cifugwa fugwa. Kanyhi yakamuwona Mumisili yunji yakumutowa Muhebelaniya yunji muyagwe ne wanduguze za Musa. Nayo Musa yali yeza kulanga ako na ako, hamba kuwona munhu mono yamulanjiliye, hodu yakawa kumuzumhila yu yulya Mumisili yakawa kumuwulaga, yakawufuciza muwili wakwe mu musawawa.