Popular Bible Verses from Wutuluce 15

Share

Yakawalonjela yakatya, “Hono mbeka mulihulice lizi lyangu ane no Muwaha Mulungu, no Mulungu wenyu, mwitume zono zili ling'ani hali'ne, na kanyhi hono muwukamise no wulajilize wangu, hamonga ne malajilizo gangu, ale, nane si nomugumililenyi matamwa gagalya gono nawagumilila Wamisili yaye. Hambi ane nha yo nene Muwaha Mulungu mono nghumuponyenyi.”

Muwaha Mulungu vyo vilungo vyangu, kanyhi lo lwimbo lwangu, nayo mweneco yo mhonelo yangu. Nayo yo Mulungu wangu, nane nomulumba, yo Mulungu wo sogo yangu, nane nomukumya.

“Gwe go Muwaha Mulungu, Alo nani 'mbi mono yehwanile gwegwe mu milungu yose? Hamba nani mono yehwanile gwegwe go Muwaha Mulungu mono Welile, mono wukogofya so mapoto gako, ne milimo yako ye vilungo no wizine?

“Kanyhi na ko wihuwilwa wako wuwaha, wukawatonga wanhu wono wawakomboza, na kwe vilungo vyako, wukawatonga ku wikalo wako wono welile.

Wali weza kufika hanhu hono hakucemwa Mala, hamba si wasuma kugang'wa malenga ga baho ha Mala, hambi nha gali makali. Na ku soko yiyo i hanhu baho hakacemwa Mala. Ne wanhu wose wakamung'ung'ulicila Musa wakutya, “Alu Musa, cong'wa cici?” Nayo Musa yakamulomba ko winenenyhezi Muwaha Mulungu, nayo Muwaha Mulungu yakamulajila Musa cibici. Musa yakacigwiliza mu malenga, nago malenga gakawa maswanu ku wung'we. Nayo Muwaha Mulungu kuko yakawapela Waisilayeli lilajilizo hamonga no wulajilize, yakawajela ho yamanye wusikame wawo.