Popular Bible Verses from Wutuluce 11

Share

Muwaha Mulungu yakamulonjela Musa yakatya, “Alu lisigaye lipoto limonga du, lyono nomuletela mutemi Falawo wa Misili hamonga ne wanhu wakwe. Na mwi'poto lilyo, Falawo komukombolenyi mubite. Na mbeka komuwinjilenyi lukulu wose muwuce mu yisi yakwe.

Ne wana we cilume walongozi kulelwa, wose wofwa. Ku wulawilila mwana we cilume wa Falawo, u mwana mono kowa yo muhazi wakwe wo wutemi, sunga ko mwana we cilume mulongozi kulelwa wo mwitumami we cicekulu mono yakusaga wuhemba. Sunga ne zinyana zose zinongozi kulelwa ze mitugo, nazo nhavivilya zofwa. Na mowa na cililo ciwaha muno muno mu yisi yose ya Misili, cililo cono cikali si nejela hamba nhavi ku wulawa katali, hamba si cilejela kanyhi yaye.

Ninga Muwaha Mulungu, yali yakondya kumulonjela Musa, vyono, Falawo kojendelela kuwa yasina cihuliko, nane ho sume kunoza mapoto gangu mu yisi ya Misili.