Popular Bible Verses from 1 Watemi 18

Share

Holeka nghukunena wuhulice Gwe go Muwaha Mulungu, wuhulice ho wanhu wawa nawo womanya nha vyono u Muwaha Mulungu, yo Mulungu mbeka, na vyono agwe wukuwapitula zinhumbula zawo wakuwuyile gwegwe.”

Na yikawa mu wulavya likumbiko lye cinyamihe, u muwizi Eliya, yakasejelela ha cikumbicilo yakalomba yakutya, “Gwe go Muwaha Mulungu, go Mulungu wa Abulahamu na Isaka na Yakobo, nghukulomba zuwali, yimanyice nha vyono agwe yo gwegwe go Mulungu wa Isilayeli, na vyono nane nili mwitumami wako. Nane nizinoza zizi zose ku soko ye nghani yako.

Nayo Eliya yakawabitila wanhu yakawatya, “Alu mwene, mojendelela kukangamyanga mu mahweso mejete sunga nili? Hono Muwaha Mulungu yo Mulungu, ale muhembenyi yuyo du, na hono mukuwona vyono Baali nayo Mulungu, ale muhembenyi yuyo!” Ninga wanhu wose wakanyamala twii.

Nayo Muwaha Mulungu yakacikoleza moto cikumbicilo, nawo moto wukavitakamiza vyose, likumbiko ne zingwagu hamonga ne mabwe gayo. Wukanyanya muhangha no kuganyaza malenga gose mu musinji.

Nawo wanhu wali weza kuziwona zizi, wakebamiliza hasi, wakazoza wakutya, “Muwaha Mulungu yo Mulungu, u Muwaha Mulungu yo Mulungu yali wene du!”

Langa mu nghanghulo yo mupunghati, u mwitumami yakatya, “Mbona yivunde yidodo linha muwoko wa munhu likulawa mwi'lenga.” Hobaho, Eliya yakamulonjela mwitumami wakwe yakatya, “Alu wubite kuli mutemi Ahabu wukamutye yenjile mbela mwi'tuka lyakwe lyo wulugu, yamanyhile ku kaya, lono mvula yikali namudindila.”

I vilungo vyo Muwaha Mulungu vikamuziza Eliya, yaketunga myenda yakwe mu ciwino, yakebata lumangho ku mwande ya Ahabu, yakamangha nzila yose, sunga yakafika ku Yezeleli.

Hanyuma Eliya yakamulonjela mutemi Ahabu yakatya, “Alu, wubite wukalye zindigwa. Hambi ane nha nghuhulika mvula yikudidima, yasejelela.”

Hanyuma yakamulonjela mwitumami wakwe yakatya, “Ale ta wubite wukalanje ku lubavu lwa kwi'lenga.” Mwitumami yakabita yakawuya, yakaleta lipitulo yakatya, “Ako hamba si mbwene cinji yaye.” Nayo Eliya yakamulonjela yabite kanyhi na kanyhi sunga zikafika nghanghulo mupunghati.

Hodu, Eliya yakawatya wanhu “Ale, musejelele akuno,” na wose wakasejelela wakamupilima. Nayo yakalinoza likumbicilo lyo Muwaha Mulungu lyono lyali lyamwaguka.

Hanyuma wawizi wa Baali wamulombe mulungu wawo Baali, ane nane nomulomba u Muwaha Mulungu, hanyuma ciwone mulungu mono kopitula yalete moto, ale yuyo yo Mulungu.” Nawo wanhu wose wakapitula wazozize wakutya, “Nghani yiyo langa swanu cayilumba.”

Yakasola mabwe yikumi na mejete, kwi walo lye milango ye wana yikumi na wejete wa Yakobo, mono Muwaha Mulungu yamupela litagwa lya Isilayeli.

Na lulo yali misi mugati. Nayo Eliya yakaseka yakutya, “Ale, mumuceme muno muno! Mwene nha yo mulungu! Na lunji yali mu ndoto za misi, hamba lunji yacehile, lunji kabita muhinzo, lunji yagonile, holeka mumusinhusaje!”

Yakawa kuzenga ne mabwe gago, cikumbicilo co kumuhembela Muwaha Mulungu. Yakahimba musinji mu zimbavu zose ze cikumbicilo, wono zokwinjila lita yikumi na yine za malenga.