Popular Bible Verses from 2 Wakolinto 5

Share

No munhu wo wose hono vilunze na Kilisito, yakuwa ciwumbwa cipya, i ze katali zapuluta, alu zaweza mhya.

Kilisito yali yasina wubi, ninga Mulungu yamunoza yawe wubi ku soko yetu, nase mu wilunza nayo, ho cisume kuhanga u wilingʼano wo Mulungu.

Hambi nha cikujendela wihuwilo, hamba si ko wuwone yaye.

Na zizi zose wo mulimo wo Mulungu mweneco kucilamula ase no mweneco mu nzila ya Kilisito, yakawa kucipela nase u mulimo wo kuwanoza wanhu welamule nayo. Wo wutya, u Mulungu yakuyilamula yinze no mwene mu nzila ya Kilisito, no kuleka kuwawalila wanhu u wubi wawo. Umwene yacipela nghani yo kuwalamula i wanhu no Mwene.

Holeka ase cili watumwa so Kilisito, nayo Mulungu mweneco yakucitumamila sese, cimunenenyi anye. Holeka cikumunenenyi ku so Kilisito, mwilamule no Mulungu.

Umwene yafwa ku soko ye wanhu wose, wawalya wono wakuwumipa, ho walece kwiwumipila weneco, langa wawe womi ku soko yo mwene mono yafwa, yakazukulwa ku soko yawo. Holeka ku wulawa lulu, ase si comumanya munhu wo wose mu nzila ye cimunhumunhu. Hamba yiwe camumanyila Kilisito mu nzila ye cimunhumunhu, ninga alu si nha vivyo kanyhi.

Hambi ase nha citemigwe no wendo wa Kilisito, mono cikwizuka nha vyono u munhu monga du, yafwa ku soko ya wose, nayo yiyo yikulajila nha vyono wose wakuhangana i lifwa lyakwe.