Popular Bible Verses from 2 Wakolinto 4

Share

Holeka ase cikuvilanjliila muno muno vinhu vyono si vijelaga, hamba si vinhu vyono vijelaga. Ku soko vyono vijelaga, nha vya cidaha cidodo du, ninga avilya vyono si vijelaga, vyo vikalaga cibitilila.

Holeka si cikutimba, u munhu wetu wa kunze hamba yakombipe, ninga mugati mwetu cikunozwa wapya nhondo zose. Hambi u wugaye wono cikuwutuga nha wudodo, kanyhi wa cidaha cidodo vivi du, ninga hamba nha vivyo, wosuma kucipela u lukumyo lono lucizize u wulanjilile wetu wose, u lukumyo lono lusina ndumo.

Cikugazika nhondo zose, ninga hamba nha vivyo si cikukatala kanyhi cikwihwelela, ninga si cikutukuwika mitima yaye, cina walugu wenji, ninga wutazi wuli baho, hamba ciwe cikugwiswa ho hasi, ninga si cikongomezwa yaye.

Hamba nhavivyo, ase mono cina cico i ciwutwa co Muhe, cihwanile i viya vye lilongo, ho yijele calinze vyono i vilungo vivyo viwaha, vikulawa kuli Mulungu hamba si muli sese co weneco.

Wawo si wehuwiye vyono mulungu we yinze yiyino yawatajila wutitu mahala gawo, ho walece kuwuwona calinze u wuzelu wo Luganuzi Luswanu lo lukumyo lwa Kilisito, mono yo cihwani ce mbeka co Mulungu.

U Mulungu mono yatya, “Uwuzelu wubulile mu wutitu,” yo yuyo kanyhi mono yakuwa kuzibulilila ne zinhumbula zetu, kanyhi yo kacipelaga u wumanye wose wo lukumyo lo Mulungu, wono wukuwa kungʼalala mu wusu wa Kilisito.