Popular Bible Verses from Hebele 13

Share

Pamigendele gyeńo mutane ukujenda imâle, mwisĭkilage fye mwi nafyo; ndivwene na ju mwene atigye: sindilakuleka ponu sindilakulekēledza ponu.

Jesu Kilisiti igolo na ji neńuli jujo na kumihagulile gya myâka.

Kileka kwelage hela unefwe pakutigila: umutwa akunanga unene, sindikogopa kinu, umunu alangita vuli?

Neke mutane ukuse-mwa nidza lupyanidzo nidza vuhanganile, ndivwene fye fińa-danda fifyo fye finogelidzwe kwa Nguluvi.

Apo lino tugendelage jujo pakumutekelela Nguluvi mbêpali ikińa-danda kya malumbo, kwe kuta givelekage imilomo ukwidika kwitavwa lyakwe.

Inolano dzivedzage ńaluginyo ponda hela, kita-vulamya uvuhāga; ndivwene avagoni navadumula-nolano, avo alava-higa Nguluvi.

Mutane ukusemwa ukusangila avagendzi; ndivwēne vamwi, avalugendelaga ulu, vavasangye avańa-mwandza kitadzela.

Neke lino umwene Nguluvi uva lutengamaso, je amudzulubwise kuvafwe umuńa-kudīma iṅolo umukomi mudanda ja lufingwi lwa mbêpali, umutwa vesu Jesu Kilisiti, avakolatidzage mumalimo amanofu gonda, mulimage, dze akelye umwene, ivujapilage ju mwene umwesu idzinogelidzwe kumîho gakwe vugendela ju Jesu Kilisiti, je dzakwe indolo ukufika kumihagulilegya myâka, mwe gifudińanye. Amene.