Popular Bible Verses from Kolosa 2

Share

Lino mugendelage mu mwa Kilisiti Jesu umutwa, ndeve mumwanukye. Mwidomelage umwakwe mwisimikage umwakwe neke mukangalilage mulufuvo, tideve vavavu lanidzaga neke mulemukage hela pakuhongedza.

Mwilembage atane ukuvoneka ujungi, je aku-vakongela uvumańahâte nambi nuludzango ulwe hela, je igendela ulwa filekela fya vanu, je igendela ulwa myâmulile gya ńi, je asigendela ulwa Kilisiti.

Neke uńeńe ńe mwavelye mufwe mumapunyo na mulugŏla lwa ńama ja muvili lweńo vuli, avahandzidze na ju mwene pakuvadzulubusa neke avasungukilage gonda amapunyo neke apolosage uvwândike uvwatudzigilaga, uvwimilaga indagilidzo pakutuhiga neke avuja-dzage tipu, pe avutovelaga pakipindulihidzo

Pakuva mu mwakwe mwe mwene mwe lwivujila uluseleleko lwa vunguluvi vonda ngita mwe muvili neke najuńe mukwi-pedzehedza mu mwakwe, je ali mutwe va vutemi vonda nuvutambule

Neke lino atane ukuva pwali umuńa-kuvahiga pafya kulya napafya kuńwa napanôngwa dza pasikukulu nifya kivonamu-ganga nifya pańwabaha, pakuva igi gye migīgi igya fìńa-kwadza, ugwene umuvili je Kilisiti.