Popular Bible Verses from 1 Kol 2

Share

Hâ nda, avene ndeve lolilwe ulwitigila: „Idzi nilîho silidzilolile nambi limwi, dze na li lisikidza silipulike nambi limwi, idzisingye na munumbula ja munu, dze avavujapye Nguluvi avańa-kumwenda.“

Neke lino umunu umuńa-mutima hela ujo idza Mubepo va Nguluvi asikudzifika; ndivwene umwene itigila: muva hela, dzimulemile hela pakudzikagula, pakuva dzińa-kutandzwa vwimila pa-Mubepo.

Neke unefwe Nguluvi atuvilatulye vugenda pa-Mubepo vakwe. Ndivwene u-Mubepo ikomandza dzonda na vu vunipa vwa Nguluvi.

Neke unefwe tusidapile umubepo gwa mu-ńi muno, hamu, tudapile u-Mubepo va kwa Nguluvi, ukuta tufikagulage, fye atudapye lupyana u-Nguluvi.

na dzi nôngwa dzangu na dzi ndzanga dzangu nadzo sindalongelaga ulugomehedzo lwa luhala lwa ńi iji, hamu, ndaletaga hela idza Mubepo nidza ngufu, pakuta ulufuvo lweńo lutane ukwidamika muluhala lwa vanu, hâ nda, lwidamikage mungufu dza Nguluvi.