Popular Bible Verses from VAROMA 16

Share

Na Mrungu wa mporere enemangamnyanyarisha Shetani kijusi he mavato enyu. Mbonea ya Mfumwa wetu Yesu Kristo na iikae hamwe na unywi.

Vandughu, nimusemba, rerehani vala veketa marenge na mburi jekwangwaja, jeomanya ila michejire mwekuchejije; mutane navo.

Ambu vala veikee huvo tevemrongia Mfumwa wetu Kristo ndima, esire ndeni javo venye, na he viteto vyenyutume vya kukugerekanya veisha ngoro ja vantu vanana.

Iki nakazwe ye eveiwa kumudindija, sa vuntu Mburi Yedi yangu yevwo, na he kubirikira kwakwe Yesu Kristo, cheteghane na ula mfunukuro wa ila mpiso yekivisike too kae na kae, ikafunyirijwa he igheri iki kwa maandiko a varoti, ikamanyika he vaisanga vose sa vuntu Mrungu wa kae na kae eazere, nesa vagurishe mwitikijo. Niye Mrungu mwenye du ena viugho. Ngazo ni yakwe Yesu Kristo, kae na kae. Amen.