Popular Bible Verses from VAFILIPI 2

Share

Misironge kintu chochose kwa kukanana, neri kwa kukubaa; esire he kukuduisha, kila mntu namtare mghenji iti ni wedi kumvecha. Kila mntu asirerehe vyakwe mwenye, mira kila mntu arerehe vya vaghenji.

Ketani madunganyo ao ao he unywi, eo ekireho he Kristo Yesu

eye aho kuvoka ekina fwanyanyi ya Mrungu, naye tevonie iti kula kufwanana na Mrungu ni kintu cha kukuguranya nacho; mira akakuosha iti tena ngazo, akaghuha fwanyanyi ya mzoro, akaketa fwani ya vantu; kangi, ekinavoneke iti ena fwani sa ya mntu, akakuduisha, akaoka mresikia mhaka kufwa, yee, kifwa cha he msalaba.

Ambu Mrungu niye eronga ndima he unywi, kuenda na kwenyu na kuronga kwenyu he kukolosha kila chedi ye erekere.

Heicho Mrungu akamghibika mno, akamunka izina levechije mazina ose; nesa he izina lakwe Yesu, kila ikunkuro lidunkute, la vintu vya uko wanga, na vya he masanga, na vya si ya masanga; na kila lumi luzumire iti YESU KRISTO NI MFUMWA, he ngazo ya Mrungu Vava.

Rongani vintu vyose hesina kudengereta kana nkani, nesa muidime kuoka vana va Mrungu vesina cho veshaghwa, neri kuisha, vesina idamaro ghati he lukolo lwena tiri, lwehotoke, hevo unywi muvoneka sa vianga he ii si

Heicho vakunde vangu, sa vuntu mweokie varesikia misi yose, si igheri mi newaho du, mira iki muzike haiwa na ere aho mi nesiwaho, koloshani lukio lwenyu venye he kufoleka na kuzingiza.