Popular Bible Verses from Wɔrɔmi ye 6

Share

Níì cán kapeebyeri sàra wi nyɛ kùúw, kàjáa kpɔ́ʔɔri Kolocɔlɔɔ kaan wolo ma lè, toro di nyɛ sìibangwɔɔw wolo Kàfɔw Zyezu Kirisi bárigaw ni.

Kapeebyeri a ní fànʔa taa yele na í, níì cán yele o nyɛ Mowizi làlwaw fànʔa ni í, fwɔɔ kpɔ́ʔɔri fànʔa ni yele nyɛ.

Gee bee na pe n wolo tɔ́n ní Kirisi ní batɛmiw báriga ni, kánmi bee na wolo pínɛ ní wi ní kùúw ni, koro ga pye kánmee na Tofɔw wi nyán n yirige lè kúbèle nínge ni woro nìjangbɔɔri báriga ni, wolo í wɔ́ɔ ra táanri kánmi bee na sìifɔnw ni.

Ki ga wɔ́ɔ̀ yɛlɛ yele í ní yele céri tɛ́ɛyɛ yaʔa kapeebyeri kɔ́yɔ ni bi yi kpéʔele kakolobyeri falipye-yarira í. Kàjáa ki n yɛlɛ ye yeyɛɛ gaan Kolocɔlɔɔ ma bi pye àmɛɛ syɛ́ɛnbèle pèle nyɛ lè, bele be nyán n yiri kúbèle nínge ni lè n pye sìi na, yé yele céri tɛ́ɛyɛ kaan Kolocɔlɔɔ ma yi pye sínni falipye-yarira.

Wolo n gi cán kánmee pi da séli n pye wolo ni lè, kánmi bee n kùu ní Kirisi ní tiiparigi na, koro ga pye wolo kanlɛɛmi kapeebyere fànʔa í kálagi, jàngó wolo a ní kɔ́ pye kapeebyeri púloro ni í.

Kánmi bee na ki wɔ́ɔ̀ yɛlɛ yaa yeyɛɛ jóro kúbéle kapeegèle kàbaan na, sáā yeyɛɛ jóro niweebèlē Kolocɔlɔɔ kàbangi na àmɛɛ yele nyɛ lè Kirisi Zyezu ni.

Ki ga pye nya, nyàʔá si wolo a joo? A gi yɛlɛ lé wolo í kòro kapeebyeri na, koro ga pye Kolocɔlɔɔ kpɔ́ʔɔri sáā nɛʔɛgi? Eʔe dɛ! Wolo bele wo kùu lè kapeegèle kàbaan na, mɛ̀ɛ́ wolo a ní kòro bàā ge kpéʔele bi sɛ́ɛ?

Yele ga gi cán ncan yele ga yeyɛɛ gaan kàfɔwee ma lè n pye wi pulobèlē ni lúro wi ma, woro wee má yele lúro lè, yele i nyɛ wee bee púlobéle ì? Kapye kapeebyeri má yele lúro, gee bee kàdoʔo i nyɛ kùúw, ki si ga pye Kolocɔlɔɔ má yele lúro, gee bee kàdoʔo i nyɛ sínni.

Ki n yɛlɛ waa bariga kaangi Kolocɔlɔɔ ma, níì cán yele maa pye kapeebyeri púloro ni, kàjáa tamalee na pe yele tama lè, a yele lee bee cò ní yele fúnyi myɛ ní. Kolocɔlɔɔ n yele yirige kapeebyeri púloro ni níì yele lége sínni wóro ni.