Popular Bible Verses from Wɔrɔmi ye 1

Share

Níì cán Syɛɛnjóocǎnri mii nyuu lè, fɛ̀ɛrɛ o mii taagi di kéeli na í, ti i nyɛ Kolocɔlɔɔ fǎngi bàā syɛ́ɛnbèle syoo, bele myɛ be tági lè di na, wozelibèle be nyɛ Zyefubèle n náà fàra syɛɛnfeleyi wozanya na.

Níì cán Syɛɛnjóocǎnri di sínni tèé, lee li taagi lè Kolocɔlɔɔ ma, ní i taagi tágali yagana báriga ni, àmɛɛ Kolocɔlɔɔ syɛɛnsɛbɛri gi joo lè níì jo: «Syɛɛnsinw a sìi taa tágali báriga ni.»

Níì cán nlaa wi dulunyanw faan lè, wi kánmi bi lè syɔɔn o bi nyaagi í, syɛ́ɛnbèle i bee bee nyaagi gbanʔama wi yafaanri báriga ni, ki kɔ́rɔw wi nyɛ wi bàngwɔɔ fǎngi, ní wi kolocɔlɔmi, kérigèle bee i cángi wi yafaanri báriga ni. Gee bee na tànʔa ní o nyɛ be ma í

níì cán pe n Kolocɔlɔɔ cán, koro ní ki myɛ ní pe ga fɔ̀lɔ bàā wi kpɔ̀ʔɔrɔ́ àmɛɛ gi yɛlɛ paa wi kpɔ̀ʔɔrɔ́ lè í, pe ga wɔ́ɔ̀ fɔ̀lɔ ni bariga kaangi wi ma í. Fwɔɔ a be be sɔ̀nguri taʔa nyùngo fun kérigèle na, a be sícilimɛ fun fúnyi wɔ́ɔ baa nyìn yébilimi na.

poro bele be Kolocɔlɔɔ kányɛɛgi fàli lè jànvaaw na. Yáriree Kolocɔlɔɔ faan lè, pe n ba ni dee bee kpɔ̀ʔɔrɔ́ ní i di fáliw kpéʔele. Pe si ga fɔ̀lɔ ni di Faanfɔw kpɔ̀ʔɔrɔ́ í, woro wee wi yɛlɛ lè ní kpɔ̀ʔɔrɔli ní làla o làla. Amiina!

Kolocɔlɔɔ i wi fundanʔari tèé, dee di yìrigí lè nyɛ̀ʔɛni na n ba ni tuun syɛ́ɛnbèle na, bele be lè pe o fɛ̀ɛgí Kolocɔlɔɔ na í, ní i kakolobyeri féleye myɛ kpéʔele, pe kakolobyeri báriga ni pe kányɛɛgi yéregi, ki o syée yɛʔɛ̀ ma í.

Gee bee si na Kolocɔlɔɔ be yaʔa pe fundaayi fɛ̀ɛfɔnmɔ kèlē ni, níì cán àmɛɛ cébèle yɛlɛ bàā sìnɛ́ ní pe nǎnbèle ní lè, a be gee bee yaʔa níì gi kàriga kanmaa na ni kpéʔele pe céri na, gee gi nyɛ lè ki ga yɛlɛ gi kpéʔele í. Kánmi bee wonijanma na, àmɛɛ nǎnbèle wɔ́ɔ̀ yɛlɛ bàā sìnɛ́ ní pe cébèle ní lè, a be gee bee yaʔa, á be céri láanitaʔa wári be na, a be i peyɛɛ jaa, ní i fɛ̀ɛfɔnmi kèlē kpéʔele ní peyɛɛ ní. Wɔʔɔgee pe yɛlɛ bi taa lè pe kolomi kéele na, pe i gee bee taagi peyɛɛ ni. Pe ga fɔ̀lɔ n Kolocɔlɔɔ kéeli yaʔa peyɛɛ fúnyi ni í, gee bee na Kolocɔlɔɔ be yaʔa be fɛ̀ɛfɔnmi sɔ̀ngurɔ kɔ́yɔ ni, koro ga pye paa kanaa-sìnbyeri kpéʔele.

Pe maa ni peyɛɛ yiri kacanbèlē, kàjáa pe n baa pye nilabalabéle. Nìjangbɔɔri di nyɛ lè bànguu Kolocɔlɔw ma, pe ga fɔ̀lɔ ni dee bee córo í, ní i syɛ́ɛnbèle kɔ́yɔ yasamagara kpɔ̀ʔɔrɔ́ ti sìndɛɛgi ni, yasamagari bee i nyɛ syɔɔn niwirige wi lè yakuugo, ní féjɛɛnri, ní tɔlɔyɔ sicɛrɛ-jɛrɛ yaweeri niwiriye n fàra dee na di fulolo lè.