Popular Bible Verses from Mariki 6

Share

A wi be pye: «Yaa maa wo kàri kɔlɔ̀ na wo sa ŋɔ́n wo daa cɛɛri.» Níì cán syɛ́ɛnbèle maa nɛʔɛ, bele i syée, bele si i maa, àlí làla ga taa Zyezu ní wi pìitamabèle ma be lìi í.

A Zyezu be pye: «Syɔɔn faala o kanyaajooo faari í, kapye wi kàʔa wóbèle, ní wi senyɛnbèle, ní wi kpaʔa wóbèle ban í.»

Lǎli ni wi sáà yiri kɔ́rɔw ni lè, a wi syɛ́ɛnmi nyaa a bi nɛʔɛ n baa sɔ̀lɔ, a be nyínimi wi taa ncan pe maa pye àmɛɛ bànaʔaɔ fun bàala nyɛ lè. A wi séli ni be tama kèlē saʔa na.

Wi ga gbàn n kakpoloyo saʔa kpéʔele yaà í, kapye wi kɔ́yi taʔa lè yáabèle pèle cɛɛri na a be pɔʔɔ lè í. A be sìndagali kéele tɔ̀nɔ n wi fúngi wɔ́ɔ. A wi kári n sa ni syɛ́ɛnbèle tama ni máari kěyi ni.

A wi búrubèle kagunɔ ní fábèle siin láa, níì wi yɛ́ɛgi yìrige n le nyɛ̀ʔɛni ni, níì bariga kaan Kolocɔlɔɔ ma. Koro kàdoʔo ma a wi búrubèle kabagi kabagi n kaan pìitamabèle ma níì jo be wi lɛɛ pe myɛ na. A wi wɔ́ɔ̀ fábèle siin lɛɛ be na. A pe myɛ lìi n tín. A be búru-kabagiri ní fákorobèle koli n le sɛ̀ʔɛgēle kɛɛ ní siin ni, a ge nyìn.