Popular Bible Verses from Galasi ye 5

Share

Kàjáa gee Pìicǎnni sangi lè, koro gi nyɛ: tàmagi, ní fundaanri, ní bɛ̀ɛ́li, ní kpàracogi, ní tánʔaganjǎnmi, ní funjǎngi, ní mɔ í pye tágala syɔ́ɔn, ní fûnnyingi, ní miyɛɛ-cǒmi ní. Làlwaw o túngu ní yasanri bee tàa ní í.

Dee si mii a joo lè, toro di dee naa: Ki n yɛlɛ yaa táanri Pìicǎnni báriga ni koro ga pye yele a ní da céri kínidɛnɛgɛ kele kpéʔele nyáana í.

Amɛɛ wolo sìíw taa lè Pìicǎnni báriga ni, ànbée gi wɔ́ɔ̀ yɛlɛ wolo í da táanri Pìicǎnni báriga ni.

Kirisi Zyezu wóbèle n peyɛɛ kóri tiiparigi na tɔ́ɔliw ni jàngó céri, ní di ki laànitaagi, ní di kínidɛnɛgi í kùu.

Tɔ́ɔliw ni gele ge nyɛ lè céri kapyegèlē, koro ge nyɛ gele naa: ceyuugi, ní nànyuugi, ní kanɔnʔɔri, ní cecaabeeri, ní nànjaabeeri, ní yasunzunri, ní nìnyɔʔɔnɔgi, ní nigoori, ní kàsiiw, ní nyabɛɛnni, ní fundanʔari, ní fungboloyi, ní kàkabalayi, ní funwaliyi, ní paragi, ní singbaadinri, ní kakolobyeri ní, n fàra kérigèle kèle nikwɔɔlɔ na, gele ge nyɛ lè sèjira ní gele naa ní. Mii a gi joo yele ma àmɛɛ mii da sélì gi joo lè níì jo: Kérigèle bee kpéʔelefɔɔlɔ a gbǎn Kolocɔlɔɔ fǎngi kɔ́rigɔ lìi í.

Yele si na, ni senyɛ̀nnɛ, yele yerifɔw n yele yeri wɔ́rɔdi kánma na. Ki si ga yɛlɛ yele í wɔ́rɔdi bee kàriga bàā yele céri kínidɛnɛgɛ kele kpéʔele í, kàjáa ki n yɛlɛ yele í pye yeyɛɛ púlobéle bàā báara yeyɛɛ ma tàmagi báriga ni.

Níì cán kérigèle gele ge céri dɛ́nɛ lè kányɛʔɛ ni, gele bee i Pìicǎnni bɛɛngi, gele si ge Pìicǎnni dɛ́nɛ lè, gele bee i céri bɛɛngi. Níì cán Pìicǎnni ní céri i túngu ní tiyɛɛ ní, a koro gi kaan gee yele caa bàā kpéʔele lè, ye ga gbàn ni gi kpéʔele í.

Níì cán nyɔɔsyɛɛnkangi naa nibin n Mowizi làlwaw syɛ́ɛnrɛ myɛ foro, gee gi jo lè: «Mɔ syɛɛnnyɛnw kéele yaʔa li mɔ dɛ́nɛ àmɛɛ mɔ miyɛɛ dɛ́nɛ lè.»

Ki ga yɛlɛ wolo í kɔ́ woyɛɛ gbɔ́ʔɔ gbanzan si woyɛɛ fúnyi kaan yaa taanri í, sáā nyabɛɛnni kpéʔele ní woyɛɛ ní í.

Kirisi n wolo yirige púlori ni wɔ́rɔdi kánma na. Gee bee na gi yɛlɛ yele í sámaga yére, ki ga yɛlɛ yele í be yaʔa pe ní púlori túgoro tugo yele na í.