Popular Bible Verses from Kɔlɔsi ye 2

Share

Koro na kánmee na yele da fɔ̀lɔ wolo Kàfɔw Kirisi Zyezu na lè, ki n yɛlɛ yaa táanri wi ni kánmi bee na. Ye nìnre wáa yé sámaga ye yére, yé nìrimɛ le yeyɛɛ ni tágali ni bi yɛlɛ ní tamani ní lee na pe da yele tama lè, yáā bariga kaangi gbanʔama.

Yaa yeyɛɛ kɔ̀rɔsíi koro ga pye syɔɔnwaa faala a kɔ́ yele cǒ lége puloro ni ní wi sícili-zyɛ́ɛnri, ní wi gbanzan fáanagi ní í, pe i dee bee tímana ni yɛlɛgi ní syɛ́ɛnbèle kalɛɛgéle, ní dulunyanw tamana ní, ti si ga yɛlɛ ní Kirisi kéeli ní í.

Amɛɛ yele da pye lè kapeebyeri ni, níì pye sìngɛnɛ ni yele tánʔaganlɛɛmi ni lè, yele maa pye woguubéle ní, Kolocɔlɔɔ si n yele nyán n wéege ní Kirisi ní níì yele kapeegèle myɛ kùsulugo syɔɔ. Làlwaw tundunro ti da sɛ́bɛ wolo kánmi na lè n wolo kolomi tɛ̀ɛn, wi n di kurugo n láʔa. Wi n di sàa àmɛɛ wi di kóri lè tiiparigi na.

Níì cán kánmee na Kolocɔlɔɔ nyɛ lè, kánmi bee myɛ i nyɛ Kirisi céri ni n foro. Kirisi wi tɛ́ɛn lè fǎnyi, ní séew myɛ nyúngo na, Kolocɔlɔɔ n yele nyìn n foro wi ni.

Gee bee na yele a kɔ́ syɔɔnwaa faala yaʔa wi kolomɔ kaan yele ma yele lìíli ní yele gbaali kéele na í, koro ga jáa fɛ́tii, wàlá yevɔngɔ, wàlá cândɛnɛgɛ kéele na í. Kérigèle bee i nyɛ gele kànyingéle gele ge maa lè, Kirisi kéeli si li nyɛ wodeeli.