Popular Bible Verses from MÁKHI 13

Share

Mɛn hɛ́nthé, néphan khúnbrɛn bha sa hɔ́n mɛ. Lókhɛ́n lephan ábha gɛlé ya kábrɛ kábrɛ ábha di lómɛ́n, lephan lókɔn ɔn, mɛ́n wo bhá swa nkɛ.

Ɔ́n há hɔ́n nbrɛn mwanhɛ́n. Lónian mɛn khɛ́n ɔ́n ne yɛn lóka lóyí ebhá tɛ́ hɛ́nthé, ńná lɔ ɔ́n ne lá.

Lóka khɛ́n wo bhá khwɛ́n hɔ́n ɔ́nmɔn ló ákwabhɔ́ gɔn, hɔ́n si ɔ́n ma khɔ́ lɛ mɛ́n, lóbhwe ole lí hɔ́n thɛ́n. Khɛ́n lóka lókɔn, ɔ́n tɔ ábhwe khɛ́n wo bhá tɔ há hɔ́n míthé. Ló ábhwe lókɔn, abha lé chán hɔ́n bɛn nbrɛn hɛ́nphebhú hrómɛn, lókhɛ́n áli ábhwe bɛn ábha chán Nánnánmi Créncré yé.

Átho le áthé ɔ́nmɔn bha hɛ́n, lókhɛ́n mɛn bhwetɔ́ bha lé hɛ́n bhrɔ́ɔ́.

– Álepɛ lephan ayɛn lócí le wáchɛn mɛ́n ɔ́nmɔn khɛ́n lóyí lókɔn bha tɛ́. Yankan-mranchɛ́mán bhwá nbrɛn abha átho lɔ le yɛn, Nmi bhwá nbrɛn lɔ le yɛn, Nthe brɛ pán yɛn.

Lóka ɔ́n ma yé átha agbali phɔ tɔ́, le ló abha hɛ́nmɛn ebhá ɔ́nmɔn phɔ bhwe ɔn, ńthɛ́n ole lí hɔ́n. Áyɔn se salé lóyí lókɔnhɔn otɛ́, lókhɛ́n áleli salé ádi lóka áthéji bhwe ebhá phú.

Átɛsalé ábháthó-óthe ka ábha sáji bhá: khɔ olí ńjuka mɛn o, khɔ mréci thethé mɛn o, khɔ ńkɔsɔ́ ka ethɔ́n hrómɛn o, khɔ ńjuju mɛn o, khɛ́n ɔ́n ne yɛn hɛ́nthé, lóhɛ́nthé, tɛmɛ ɔ́n kámɛlé chré. Ńná olé ka hɔ́n khwá khɛ́n anmú nká hɔ́n tho. Ábhwe lókɔn mɛɛ́n tɔ sé hɔ́n, lóbrɛ tɛɛ nɔn mɛɛ́n tɔ sé néphan khúnbrɛn lɔ salé: Tɛmɛ ɔ́n kámɛlé chré!

Aféchwe bɛn bha gɛ aféchwe lójɔ ɔ́nmɔn kútha, bhringbi bɛn bha gɛ bhringbi lójɔ ɔ́nmɔn ywɛnli, áyíta bha jika ágotho dɔndɔn, ló áko bha di. Lóyí khúnbrɛn lókɔn bha tɛ́sa bhie ka ebhá hó, yí si ákhɔ́ dri phɔ a.

Khɛ́n áyɔn se salé ophrɛ thwási tɔ Ábhwe Bhwábhwá bhwe pí aféchwe khúnbrɛn thethé khɛ́n.

Néphan búdúbúdú bha bhó mɛn hɛ́n hrómɛn bhá, ló wo bhá tɔlé: “Mɛn nɔn mɛn ni Mesi!” Ló wo bhá khrɛ néphan búdúbúdú.

– Khɛ́n hɔ́n ɔn, ɔ́n há hɔ́n nbrɛn mwanhɛ́n. Átɛsalé néphan bha bhɔlíkɔn sé hɔ́n, wo bhá chrwa hɔ́n hɛ́nbhúrɛ si. Mɛn hɛ́nthé, ɔ́n ma ló athemánhɔn le mringbilímán ɔ́nmɔn hɛ́nmɛn, ló ɔ́n ma lí mɛn phɔ ndalefɛ.

Mesi kpakprámán le bhwetɔ́trémán kpakprámán ɔ́nmɔn bha bhá, wo bhá tɛ́ áphɔgóyí le hɛ́nmɛntányí, ló kasé ási ka o, wo khɔ́ lóphɔ khrɛ néphan khɛ́n Yankan san.

– Khɛ́n lócí lókɔn hromɛn, ágbrelí ka ahɛn, ácɛ́nmɛ bha bhie bribri; pɛ bha lé cu fí npɔhɔ́n, pɛmwe bha chántho fɔ́khwá thé, ló ńsɛ́npɛ́ khúnbrɛn abha átho bha jika.