Popular Bible Verses from MÁKHI 12

Share

Ló Jezwi krɛnmɛn sa: – Nɛn ábidí abanbrɛn ábidí khúnbrɛn o: “Izraɛ khúbhɛ́nɛ́n, tɛmɛ ɔ́n yé! Hwánthe Yankan míbrɛ khókhó li Hwánthe. Áyɔn sa ɛpɔ́ hɛ Hwánthe Yankan, hɛ thɛ́n khúnbrɛn mɛn, hɛ hɛ́nfan khúnbrɛn mɛn, hɛ nánnánmi khúnbrɛn mɛn le hɛ sɛ́npɛ́ khúnbrɛn ɔ́nmɔn mɛn.” Ńthé nɛn ábidí asi mɔn o: “Áyɔn sa ɛpɔ́ hɛ jɔ, sa lósi ɛkhɔ pɔ hɛ bɛn nbrɛn.” Álepɛ ábidí nánkhɛ abanbrɛn ábidí mɔn lókɔn.

Lótɛ Jezwi che mɛ́n yíchwɛmán bha, ló ánkránman nkɔn sa: – Mímí mɛɛ́n kranmán hɔ́n: grwanya gbreya yí lókɔn abho ka áyánɔn mɛn ɔn, áthúbhɔ brɛn néphan khúnbrɛn yí abho. Néphan krɛnnɛ́nhɔn, jɛtɛn khɛ́n wo le nɛn nɔn wo bho bha kane. Khɛ́n gbreya lókɔn, mɛ́n yí bhri tɛɛ ńpɛ mɛ́n gbre hromɛn, khɛ́n achɛ ńma mɛpɔ́, lónɔn ńmo kane.

Lótɛ Jezwi lo chre Yankan-khúthé áyánɔn njɛ si óbɔn kɔphrɛ ha, ló ánwɛsɛ́ lósi ápasá khɔ ebhó jɛtɛn ká lóhrómɛn. Ńmringbilímán búdúbúdú khwɛn jɛtɛn bhrobhrobhé ha lóhrómɛn. Grwanya gbreya bɛn lɔ khwɛn kɔphrɛchí chɛ́-nchɛ́ mɔn ali jɛtɛn óle kán ha lóhrómɛn.

Áyɔn salé lephan ɛpɔ́ Yankan hɛ thɛ́n khúnbrɛn mɛn, hɛ nánnánmi khúnbrɛn mɛn le hɛ sɛ́npɛ́ khúnbrɛn ɔ́nmɔn mɛn, ló áyɔn salé anpɔ́ mɛ́n jɔ sa lósi ńkhɔ pɔ mɛ́n bɛn nbrɛn. Lókɔn yɔn brɛn ńbranmán ofɔ́n ha npha ńphaha túprán tho, le ńphaha yábhɛ yábhɛ khúnbrɛn ɔ́nmɔn.

Ló Jezwi kranman nkɔn sa: – Áyí ali ákhúbhɛ́-óthe bhrɔ́khó yí, tɛmɛ ɔ́n mó sé ákhúbhɛ́-óthe bhrɔ́khó, ló áyí ali Yankan yí, tɛmɛ ɔ́n mó sé Yankan. Ló mɛ́n bhwe ńtɔ, etán wo khúnbrɛn hɛ́nmɛn kábrɛ.