Popular Bible Verses from Josue 10

Share

—Jaxa k'ak'u, k'ot ni tek'ana, jach ni ja nan ixawi mini t'un snijki'a, man ya'we stup ja smul ja ma'tik mi lek wax yila sb'aje sok ja israelenio jumasa. Ja iti, jach' kan ts'ijb'anub'al b'a sju'un ja ma toji. Ja k'ak'u, ti kan tek'an b'a nalan satk'inal, t'usan mi snajtiluk jun k'ak'u tek'ani.

Ja k'ak'u koltajiye ja israelenio yuj ja Dyosi, a'ji yil sk'ujol ja ma' mi lek wax yila sb'aje soki, jaxa Josue sk'uman ja Dyos b'a sti' sat spetsanil ja israelenio jumasa, ti yala'a: —Moka nika b'aj ja we'n k'ak'u; ti la kan tek'an b'a Gabaon. Jaxa we'n, nan ixaw, majlan b'a loman yaman Aialon.

Mixani b'a ilxi pilan k'ak'u'a, cho mixani ojto ilxuk ja jastal it ja smaklan ja Dyos ja jastal sk'ana ts'akatal ja winiki. —Yujni ye'ni ja Dyos yuj ja israelenio'a.

Ja mitox elye'i, alji yab' ja Josue yuj ja Dyosi: —Ka'axik mok xiwanik, ke'n oj ka'a wil'ex sk'ujole. Ja ye'nle'i, mini jun ma' oj kan yujile sak'an ja ye'nle'a.

Ti yala ja Josue: Tsatsal k'ujolan a b'ajex. Tsats ajyanik mok xiwanik. A' sniwanil a k'ujolex, yujni jach' oj sk'u'l jastal it ja Dyos sok ja ma' mi lek waxa wila b'ajex soki.