Popular Bible Verses from Exodo 20

Share

—Ke'n Dyos yuj ja israelenio jumasa. Ke'n ka eluke b'a Egipto b'a baldiyo aye ajyi. —Mok a le'ex tuk dyos yuj ja ke'n.

—Mok a wal'ex dyosuk ja jas waxa wilawex k'u'lunej b'a nalan cha'an sok b'a lu'umi, sok mini ja jas tey b'a scha'anil ja ja'i. Mok ko'anik mek'an ja b'a sti' sati, mok a toy'ex. Ke'n ja Dyos yuj ja israelenio jumasa, jun Dyos wala tajkiyon. Ja ma' mi skisawoni, wax ka stup' e, ja untikali, ja ijali, sok ja yuntikil ja ijal jumasa ma mi skisawoni

—Yajta sok talna wa nan a tati. B'a jachuk oj ajyuk a sak'anil jitsan k'ak'u ja b'a lu'um oj ka'wi'i.

—Na'awik ja sk'ak'u'il jijleli, jun k'ak'u mi tukuk, jb'aj ni ke'na'a.

—Mok a ta'ex ti' lom ja jb'i'ili, ja ma oj sta ti lomi, oj ni ka stupa.

Snajtil ja wake k'ak'u b'a yoj semana, oj b'ob' a'tijananik ja janek' xa k'anawexi, Jaxa b'a sjukili, sk'ak'u'il jijlel ke'n oj ja toy'onex yuj ja mi tukuk ja k'ak'u jawi. Ja k'ak'u jawi mi ma oj b'ob' a'tijuk: mini ja we'nlexi, mini ja keremtiki, mini ja ak'ixuki, mini wa wa'tijumexi, mini wa wa'tijum ixuki, mini wa chante'exi, mini ja ma polestero wa'n a'tel a mokexi.

—Mok ok'uk a k'ujol ja jas yi'oj ja wa moji, mini ja sche'umi, mini ja ya'tijumi, mini ja swakaxi, mini ja sburro'i, sok mini spetsanil ja jastik sb'aji, jach' ch'ak yal ja Dyosi.

—Mok a ta'ex ti b'a mi sb'ejuk pilan a mojex mok cho a le'ex yi ab'al yuj mi lek wax ilji.

—Mok a ta'a b'a sok tuktukil ixuk.

—Mok milwananik.

—Mok elk'ananik.