Popular Bible Verses from Efesios 6

Share

Mi yuj wa'nukotik tiro'anel sok kristyano jastal ke'ntik, ja ma' mix kila jb'ajtik sok leki, ik' ason aye ek' b'a satk'inal ye'n wax yalawe jasunk'a oj sk'u'luke'i, ti wa sje'a ja yipe b'a lu'um iti.

Mok ch'ayuk a k'ujolex sk'umajel ja Dyosi. K'umanik b'a spetsanil k'ak'u, a'a b'ajik yi ja Espiritu Santo b'a ye'n oj sje'a wi'ex jastal oj ja k'umukex. Mok ochuk a wayelex ajyanik sak'an k'ak'u a'kwal, mok a wa'a b'ajex b'a oj kula jananik ganar. Jaxa yajni waxa k'umanex ja Dyosi, k'anawik yi yuj spetsanil ja yuntikili.

Lapawik ja yab'al ja Dyos it ya'oj a wi'exi, b'a jach' oj b'ob' a kolta b'ajex ja yajni wa sk'ana oj yil k'ujolukex ja tan pukuji.

Ja'yuj —Pots'o a b'ajik ja yab'al ja Dyosi—. Jachuk, ja yajnix k'ot ja sk'ak'u'il ja jas mi lekuki, b'a jach' oj kuchuk a wujilex ja yajni oj sk'an oj sk'ulukex ganar wa kontra ex jumasa, jaxa we'nlexi toj ajyanik man stik'anal.

Ja sniwanil wa k'ujolex sok ja Dyosi, ja oj skoltayex jastal jun smakb'al bala, ojni cho kom ja yip ja spulte' ja tan pukuj wa sk'ana oj sjip a b'ajexi. Jawa koltajelexi, jach' oj makunuk a wujilex jastal jun tsatsal smakb'al omal, cho jach' oj skoltayex lek ja yab'al ja Dyosi, ja wa machitexi ja Espiritu Santo.

—K'elan jakan ajyanik—. Ja Dyosi oj spots ex sok jas merani sok ja jas toji b'a sb'aj ye'n oj spotso'ex lek sok ja yab'ali. Ala ab'ajex ja tsamal ab'al it wax ya'wotik lamani; —Chapan ajyanik b'a oj waj ja wal'ex.

Ja ya'n a'a b'ajik b'a ye'n oj ya' wa wipex ja Kajwaltik Jesús b'a wax yila t'ilani.

Ja jas b'ajtan yala ja Dyosi, wax cho yala ay b'i jas tuk oj sk'u'luk ti yala jastal iti: —K'u'anik ja yab'al wa nan a tatexi sok talnayik. Ja jachuki, jel lek oj ek'uk a wujilex, sok jel oj alb'uk wa sak'anilex ja b'a lu'um iti—.

Untik jumasa, k'u'anik ja yab'al ja wa nan a tatexi. Ja we'nlexi sb'ajexni ja Kajwaltik Jesús, sok ja' jaw ja jel t'ilan oj ja k'u'lukexi.