Popular Bible Verses from Efesios 5

Share

Ja we'nlexi, yuntilexa ja Dyosi, jaxa ye'n jel wa syajtayex. Ja'yuj jel t'ilan jach' oj ajyanik ja jastal ja ye'n. T'ilan oj ja yajtayex ja tuk jumasa, jach' jastal syajtayotik ja Kajwaltik Jesusi sok cham yuj ja ke'ntiki. Yuj ja jastal cham ja Kajwaltik Jesusi, jach' wax yila ja Dyos jastal jun perjume b'a jex ajb'ani ja yik'ili.

Talna a b'ajik ja jastal waxa k'u'lanexi. Jach' la ajyiyex jastal ja ma wa sna'a lek ja jas wa sk'u'lani, mok ja a laj'ex ja ma mi sna'a jastal ayi. Na'awik jastal oj ja k'u'lukex ja b'a leki, yuj ja k'ak'u jumasa wa'n ek'eli, mini ay slekila.

Mok lom yakb'anik porke oj ch'ay a k'ujolex ja jastal waxa k'u'lanexi. A'wik och ye'n ja Espiritu Santo b'a oj sb'ut'ex sok b'a oj stojb'esex. Yajni oj ja tsom a b'ajexi, ts'eb'ojtayik ja salmo jumasa, ts'eb'ojtayik ja ts'eb'oj jumasa sb'a Dyosi. Toyowik sok spetsanil a k'ujolex ja Dyos b'a sb'i'il ja Kajwaltik Jesusi, spetsanil k'ak'u a'wik yi ts'akatal yuj spetsanil ja jas ayi.

Mok a wa'a b'ajex yuj mi jasxa na'awex, le'awik jastal oj ja na'ex jasunk'a wa sk'ana ja Dyos oj ja k'u'lukexi.

Ja tatamal jumasa jel t'ilan oj syajta ja sche'ume jach jastal syajta jmoj aljeltik jumasa ja Kajwaltik Jesusi, sok ya'a sb'aj b'a oj cham yuj ja yuntikil jumasa.

Ta mi k'ax na'atik sb'aj ja Dyosi, lajan sok tito aytik b'a yoj k'ik'inal ja we'nlex ja mas b'ajtani, jach'ni ajyiyexa, yuj mixa na'awex sb'aji. Ja ya'n wanxa xa na'awex sb'aj, ja'yuj ti'xa ayex b'a sakal k'inal; ja ya'ni jach' la ajyiyex jastal ja ma wa'nxa sna'a sb'aj ja Dyosi.

Ja we'nlex ma'tik waxa toyowex ja Kajwaltik Jesusi, t'ilan toj oj ja k'u'uk a wab'al a b'ajex.

Ja ixuke jumasa jel t'ilan oj sk'u'uk ja yab'al ja statami, jach' jastal waxa k'u'lanex yi ja Kajwaltik Jesusi.

Ja'yuj b'a spetsanil k'ak'u ja tatamali jel t'ilan oj syajta ja sche'um jastal wa syajta sb'aj ja ye'ni, cho jach'ni ja che'umali, jel t'ilan oj skis ja statami.

Ja b'a ts'ijb'anub'al ja yab'al ja Dyosi, jach wax yala jastal iti: —Ja'yuj ja winiki, wax ya'kan ja snan stati, ja'ni oj smo'uk sb'aj sok ja sche'umi, b'a jach' jun ita kwerpo oj ajyuke'a.

Mok a laj a b'ajex sok ja ma mi sk'u'an ja Dyosi; je'awik yi'e ja jas mi lek wa sk'u'lane'i, yuj ja jas wa'ne sk'u'lajeli mini jas wax koltajiye yuj ja.