Popular Bible Verses from Daniel 12

Share

Jayuj ja je'a ju'un jumasa ma'tik jel sna'awe'i, ja ma'tik jel jitsan sje'aweyi b'a oj b'eyuke b'a jun tsamal b'eji, oj lijpuke spetsanil k'ak'u ja jastal ja k'anal jumasa b'a satk'inali.

Ja k'ak'u jawi oj cho sak'wuk jitsan ja ma'tik chamel xa. Ay jujuntik oj k'eke jan ja b'a sk'e'ene b'a oj ajyuk sak'anile petsanil k'ak'u, jayuj ay ma oj cho sak'wuk b'a oj yi'e wokol spetsanil k'ak'u jel oj k'ixwuke sok jel oj xiwuke.

Ja k'ak'u jawi, ti oj sje' sb'aj ja Miguel it ye'n olomal ay yuj ja anjel jumasa, cho ja ni skoltanum ja israelenio. —Ja k'ak'u jumasa jawi jun k'ak'u b'a cham k'ujol, mini b'a ek'ela man sk'u'lan ja lu'um ja Dyosi. Yajnix k'ot ja k'ak'u, ye'n ja Dyos oj ya eluk b'a k'ab'al spetsanil ja swinkil ja schonab'ili. Sok ti'xani ts'ijb'anub'al ja sb'i'il ja ye'nle ja b'a ju'un wax ya'a sak'anili.

Jel jitsan ja ma oj yi wokol sok spetsanil ja jas ch'akta kal awab'i, jayuj tsa'an yuj ja wokol jawi jel lek oj wajuke ja kristyano jumasa. Ja kristyano jumasa b'a jel kistale'i jel ni kistale' oj ajyuke spetsanil k'ak'u, sok mini oj sna'e ja jas wan ek'eli. Jayuj ja ma wa sje'a ju'un jel sna'a ja ye'nle'i oj sna'e spetsanil.