Popular Bible Verses from 1 Corintios 13

Share

Ja ma' ay syajal sk'ujoli takal takal wa sk'ulan spetsanil, sok jex xyajtani. Ja ma' ay syajal sk'ujoli, mix och ilk'ujol, mi niwanuk wax ya'a sb'aj yuja tuk jumasa. Mis toyo sb'aj. Mi kalaxuk, sok mi kechanuk ye'n wa sk'ana lek oj ajyuk. Chikan jasunk'a mi xtajki. Mi ja'uk xta wa'n ek'el sk'ujol ja jas mi lek k'u'lub'al jan yi yuja smoji.

Ja ma' ay syajal sk'ujoli, ojni ch'ak kuch yuj spetsanil ja ab'al k'umal jumasa, sok mi oj ch'ak sk'u'uk spetsanil ja jas oj smaklani, oj ch'ak smajla ja lekil ab'ali, ojni ch'ak kuch yuj spetsanila.

Mi gusto wax yila ja ma jel wan sle'jel ja smuli, ja ye'n ja' gusto wax yila ja ma wax k'umani ja smeranili.

Ay oxe ja jas mi oj ch'aki: ja' sniwanil k'ujol sok ja Dyosi, oj k'u'axuk lek, ja ye'n yujni oj sk'uluk ja jastik yaluneji, sok ja yajal k'ujoli. B'a yoxil ja it jumasa ja mas niwani, ja'ni ja yajal k'ujoli.

Ja syajal k'ujolali, mini wax ch'aka. Oj k'otuk ja k'ak'u mixa ma oj yal ja yab'al ja Dyosi, cho mixani ma oj k'umanuk sok tuk ab'al, sok mixa t'ilanuk oj na'xuk ja jas nak'an chapan yuj ajyi ja Dyosi.

Ta yuj k'a mey syajal jk'ujol, mi jas oj makunuk ja oj k'umanukon sok spetsanil ja k'umal jumasa b'a lu'um iti, ma wala k'umaniyon jastal wax k'umani ja anjel jumasa. Ta yuj k'a meyuk ja syajal ja jk'ujoli, lajanon sok jastal xe'n tak'in b'a wax tsintsuni, —Ma jastal ja tak'in mix chiknaji sb'ej ja yok'eli.

Ta yuj k'a meyuk ja syajal jk'ujoli, mi jas oj makunuk ja oj kal ja yab'al ja Dyosi, sok a'nimax ch'ak jna' ja jas nak'an chapan yuj ja Dyosi. Mi jas oj makunuk ja sniwanil jk'ujol sok ja Dyos yuj ja oj ya ka jitsuk ja wits jumasa.

Ta yuj k'a mey ja syajal jk'ujoli, mi jas oj makunuk ja oj kayi spetsanil ja jas ki'oj ja matik jel ajula sb'aji. Cho mini oj makunuk ja oj ka ja kwerpo sok ja kaltsil b'a oj kolta ja tuk jumasa, ta yuj k'a meyuk ja syajal jk'ujoli, jelni loma.

Ja ke'n ja yora yal untikoni, jach' wala k'umaniyon, jach wax k'ab' sb'ej, jach wax ek k'ujol ja jastal ja yal untiki jaxa ya'ni niwanonxa, spetsanil ja jawi ch'akta ka'kan patikajel.