Popular Bible Verses from 1 Corintios 12

Share

Ja Dyosi, wa sje'aki'tik, ja yajni oj ya'kitik jun jcholtik b'a tsa'ub'al yuj ja Espiritu Santo, jach' wa sk'u'lan b'a oj cham jk'ujoltik ja slekilal ja tuk jumasa.

Ja'yuj ja ya'n, b'a kada jujune ja we'nlex ja janek' moj aljel jb'ajtiki, b'a jpetsaniltik jun kwerpo aytik sok ja Kajwaltik Jesusi.

Ta wank'a xyajb'i xedan ja jkwerpo'tiki spetsanil wanix yab' syajala. Ta wan k'ax talnatik lek ja jkwerpo'tiki, spetsanil ja tuk jumasa gusto'ni wax ajyi'a.

Ay ma wax ya'yi schol ja Espiritu Santo, b'a jel oj sna' ja jas oj yali, sok ay ma wax ya'yi schol b'a oj sna' lek jastal oj k'umanuki, ja tuki, ya'yi jun sniwanil sk'ujol sok ja Dyosi, ja tuki ya'yi schol b'a oj ya tojb'uk ja ma mi lekuk ayi. Ay ma ak'ub'al yip b'a oj sk'u'l milagro, ay ma ak'ub'al schol b'a aluman Dyosil. Ay ma ak'ul yi b'a oj sna' sb'aj ja Yespiritu ja Dyosi, sok b'a oj sna' sb'aj ja yip ja tan pukuji. Ay ma oj b'ob' k'umanuk sok tuktukil k'umal, jaxa tuk jumasa oj yab' sb'ej ja k'umal jumasa jawi.

Ye'nani ja Espiritu Santo wax ch'ak sk'u'luk ja jastal jawa, cho ye'nani wa sna'a jas a'tel oj ya'yi b'a jujune'a.

Jachuk ja jastik yi'oj ja jkwerpo'tik jawi naka lajan aye, june itani aya, cho tuktukil ja schole'i.

Ja janek' wanxa xa k'u'anex ja Dyosi, ay jastal tuktukil ja wa cholexi, spetsanil ja jawi, ja ni ja Espiritu Santo wax ya'a. Ay tuktukil jastal oj a'teltaxuk ja Kajwaltik Jesusi, cho petsanile june ita ja Kajwaltik ma' wax ya'teltaye'i. Oj b'ob' k'u'laxuk tuktukil a'tel, cho ye'nani ja Dyos wax ya'a ja yip b'a kada jujune b'a oj sk'u'luka.

Ja moj aljeltik jumasa, ya'yi kada jujune ya'teli. Ay ma' ya och jekab'anumil; ay ma' ya' och aluman Dyosil, ay ma' ya och b'a sje' ju'un. Cho ay chab' oxe ma' oj sk'u'l milagro, ay ma oj b'ob' ya tojb'uk ja ma mi lek ayi'; ay ma oj b'ob' skolta ja ma' wokol ayi, ay ma' ay jas oj b'ob' sje' yi' ja smoji, sok ay ma wax b'ob' k'umanuk sok yajk'achil k'umal.

Ja jkwerpo'ali, mi kechanuk june ja jas tojb'el soki, jitsan ja jas yi'oji.

Spakaxil ay, ja jastik jel ko'el wax ilxi, ja jel wax makuni kujtik.

Ja lek yuj spetsaniluk ja kwerpo'al kechan wax ilwani, mi oj kab'tik k'inala. Ma yuj kechan wax b'ob' yab' k'inal ja kwerpo'al jawi, mi jas oj kab'tik yik'ila. Ja'yuj ja Dyosi, spetsanil ti ya'akan b'a jkwerpo'tik ja jastal wa sk'ana ja Ye'n. Ta kechan k'a june ja jas yi'oji, mini kwerpo'uka.