Popular Bible Verses from Marcos 7

Share

Jä'ä ko jootjoty winma'anyjoty tsyoony ja ëxëëk winma'any ets ko ja ja'ay y'ëti'itsy y'ënä'äny ëxëëkjaty. Tam mëti'ipë mä'tspën, yajja'ay o'kpën, ka'apë twintsë'ëkën ja nyiye'etyëjk ëkë ja tyo'oxytyëjk ets tam mëti'ipë ëxëëkjaty määpy tajpën, ka'apë tmëj'ixtën ja nyiye'etyëjk ëkë ja tyo'oxytyëjk, y'atsojktëp oytyiijëty, win'ë'ëntëp antaktëp; ja ëxëëk juukyajtën oy tsyojkën'ajtëp, y'ëxëëk'ijxtëp ja myëku'ukëty, pi'tskajpxtëp, amëj akëjxm jyä'äy'atë ets nitii oy tkamëmay tkamëtajtë. Aak jootjoty winma'anyjoty ja ëxëëk tu'unën tsyoony ets ja ja'ay y'ëxëëktëkë.

Mëti'ipë aawjoty jootjoty tëjkëpën, ka'ap yë'ëjëty yaj'ëxëëktëkë. Yë'ë tëy mëti'ipë pëtsëëmpën aawjoty jootjoty yë'ë ni'ik ëxëëktuump.

Tääts ja Jesús y'ëtsooy: Miits, oyjyä'äy mnätyijëtë, mëtëy ojts ja käjpxynyajxpë Jeséas mnikajpxëtë ko miitsëty je'eyë mwin'ëëntë, oy mnäyajnaxëtë ets ka'ap jyëtu'unëty, paaty ojts tkëxja'ay: Winkë'ëy akë'ëyës ya'atë ja'ay xywyintsë'ëkëtë, ja jyot wyinma'anyëty jëkäm jëxkë'ëm tyaj'itë.

Nëkoopë miits xywyintsë'ëkëtës; yë m'ixpëjkënëty ja'ay yë y'ënä'ämën.

M'ëxmajtstëp ja Dios ja y'ënä'ämën ets yë'ë xypyanëjkxtë mëti'ipë ja ja'ay tyuuntëpën.