Popular Bible Verses from NABI YOEL 2

Share

Ida Sang Hyang Widi Wasa masabda asapuniki: “Ane jani kapokja kita saking jujur, tur maija tangkil teken Ulun maduluran mapuasa muah ngeling masesambatan.

“Sasubane keto, Ulun lakar mriokang Roh Ulune teken kita suang-suang. Pianak-pianak kitane luh muah muani lakar nglumbrahang sabdan Ulune. Parawong tuan kitane lakar pada ngipi, tur anake bajang truna lakar maan wahyu.

Edengangja dekdek renyuh keneh kitane buat nyinahang kasedihan kitane. Baan nyetset bajun kitane dogen, ento tusingja cukup.” Mawalija tangkil ring ayun Ida Sang Hyang Widi Wasa, Widin semetone. Ida punika asih sueca tur kawelas arsan. Ida sabar tur tuon ring prajanjian Idane. Ida setata kayun ngampurayang, nentenja wantah nyisipang.

Nanging sakancan anake ane nunas pitulungan Ida Sang Hyang Widi Wasa lakar rahayu. Buka ane suba kasabdayang baan Ida Sang Hyang Widi Wasa, kene: ‘Ada makudang-kudang wong Yerusaleme ane lakar luput, nah ento anak ane selik Ulun apang ia enu idup.’ ”

Suryane lakar peteng dedet, tur bulane lakar barak buka getihe; buka keto lakar panadinne satonden rauh panemayan Ida Sang Hyang Widi Wasa, nah ento dinane agung tur ngresresin ento.