Popular Bible Verses from NABI YESAYA 43

Share

Tlektekangja paundukan ane anyar ane lakar laksanayang Ulun. Unduke ento suba ngawitin kalaksanayang tur ane jani kita nyidayang nepukin. Ulun lakar ngae rurung gede di tegal melakange, tur ngicen kita yeh klebutan ditu.

Yen kita majalan ngentasin tukad ane dalem-dalem, Ulun lakar ngiangin kita, tur pakewuh kitane tusing lakar ngliput kita. Yen kita majalan nuluh api, kita tusing lakar puun, tur gegodan ane abot tusing lakar kanti nyakitin kita.

Nanging Ida Sang Hyang Widi Wasa ngandika sapuniki: “Edaja ngingetang paundukan ane suba liwat, wiadin eda ngingetang unduk ane suba kasidan imaluan.

Ih Israel, Ida Sang Hyang Widi Wasa sane ngardi semeton ngandika asapuniki: “Edaja takut, Ulun lakar ngrahayuang kita. Ulun suba ngesengin kita manut adan kitane, sawireh kita druen Ulun.

Ulun lakar mragatang bangsa-bangsane makejang buat ngrahayuang kita. Sawireh kita maji pesan buat Ulun, tur sawireh Ulun asih teken kita tur ngajiang kita.

Sawireh Ulun ene Sang Hyang Widi Wasa, Widin kitane, Widin Israele ane suci ane ngrahayuang kita. Ulun lakar mragatang Mesire buat mebasang kita, tur Ulun masih lakar mragatang Sudan muah Sebane.

Edaja kita takut, Ulun ngiangin kita. Uli tanggu kangin muah uli kauh ane joh pesan Ulun lakar nantan bangsan kitane mulih.

Nanging yadian buka keto, Ulun ene Widi ane ngampurayang dosan kitane. Buina Ulun malaksana buka keto sawireh mula buka keto pakayunan Ulune. Ulun tusingja mategenang dosan kitane ento teken kita.

Ih wong Israel, kita makadadi saksin Ulune. Ulun milih kita buat dadi parekan Ulune apanga kita nawang Ulun tur pracaya teken Ulun, muah apang ngresep mungguing tuah Ulun dogen maraga Widi. Lenan teken Ulun tusing ada buin Widi. Tusing taen ada tur tusing lakar ada.

Tuah Ulun dogen ane maraga Widi, ane nyidayang ngrahayuang kita.

Ulun ene Ida Sang Hyang Widi Wasa, buat salawas-lawasne. Tusing ada anak nyidayang luput uli kakuasan Ulune. Tur tusing ada anak ane nyidayang ngubah ane suba kardi Ulun.”

Buron alasane masih lakar pada ngluihang Ulun, cicing alasan muah kedis kasuarine lakar muji Ulun dikalane Ulun ngadakang tukad membah di tegal melakange buat ngicen kaula seselikan Ulune yeh. Ia ento bangsa ane adakang Ulun buat ragan Ulune, tur ia lakar makidung ngluihang Ulun.”

Ulun lakar ngorahin kajane apang baanga ia majalan tur teken kelode apang eda nombahang ia mulih. Depangja kaulan Ulune mulih uli gumi-gumine ane joh, uli di tepi siring gumine makejang. Ia ento kaulan Ulun tur Ulun suba ngadakang ia apanga ia ngluihang Ulun.”

Sane nguni Ida Sang Hyang Widi Wasa ngardi margi megat segara, inggih punika margi sane nglintang ring toyane sane museran. Ida nantan wadua bala sane kuat buat jaga kasirnayang, inggih punika wadua bala sane nunggang kreta lan kuda. Ipun kalebu ring segarane tur nenten naenin bangun malih. Ipun kapademang sakadi nampeh endih lampune.

Ulun Sang Hyang Widi Wasa, Widin kita ane suci. Ulun ane ngardi kita, tur Ulun ene ratun kitane.”