Popular Bible Verses from Zefaniya 3

Share

Yave, Mulukwaanyu, ori ni nyuwo, oolikaneene ovuluxa. Owo onootthapa mwa nyuwo; moosivelanimwawe onimoorehererani, Owo onimoohakalalelani mookhuwelani wa ohakalala.”

Ehuhuweene yeeyo, Miyo kinimoothukumanyihani; ehuhuweene yeeyo, Miyo kinimoohokoloxerani owaani. Miyo kinimoovahani nttittimiho ni ovuwa eriyari ya miloko sootheene sa mulaponi, kaarehereraka oreeriwawanyu vamaithoniwanyu,” oneera Yave.

Yave oovenxa ottaruxiwawanyu, Owo ohaahokoloxa amwiittanaanyu. Yave, mwene a oYixrayeli, ori eriyaraanyu; nyuwo khamoovaru etthu.

Ehuhuweene yeeyo, kinimwaapakela kintthunaaka yaawo yoohasunleni; kinoowoopola ooheetta, kaathukumanyiheke yaawo amwareiye. Kinoopakiha weera etthapeliwe ni ettittimihiwe mulaponi moothemwene yuulihihiwaayamo muru.