Popular Bible Verses from aFilipi 4

Share

Muheeteteeleke naari etthu emoha, mene mwa soothesene mwaasuwelihe Apwiya mmavekelonimwanyu, muvekelaka, mudyoonttelelaka ni muntthapelaka Muluku.

Ni murettele wa Muluku ompwaha soowuupuwela sootheene onuuthokorore mirimasanyu ni soowuupuwelasanyu mwa Kristu.

Woomalihera axunnaka, mutthare sootheene seiyo siri sa ekhaikhai, sa yoottittimiheya, sa yoororomeleya, sa yootteela, sa yoosiveleya, sa yoophwanelela – aani mwaasaase sootheene sooreera simphwanelela ottottopela.

Kingwera soothesene mwa Yoowo onkilipihera.

Muhakalale mwa Apwiya, kinoophitelatho: muhakalale!

Mulukwaaka anaavahe sootheene munghaawelaanyu ni mihakhusawe soovuwa mwa Kristu Yeesu.

Sootheene seiyo nyuwo muxuttenraanyu, mwaakhenlaanyu, mwiiwalaanyu ni moonnaanyu wa miyo, mweereke seiyo. Ni Muluku a murettele anaakhale ni nyuwo.

Wiiyevihawanyu okhale woosuwanyeya ni ootheene. Apwiya aakhuveela.

Koosuwela okhala moohaawani ni okhala moopuhani. Kooxuttera okhala ni ohakalala mahuku ootheene, hata kivonaka, hata ni etala, hata kikhalanaka sincipale, naari ohaawa.

Nkinghima yeeyo kihaawelaka etthu, niwoko kooxuttera okhala oohakalalela mweehuhuni yootheene.