Popular Bible Verses from Matheyo 21

Share

Sootheene muneeraanyu muvekele ni mavekelo, mwaroromela, nyuwo mmwaakhele.

Yeesu aawaakhula: “Kinoororomelihani weera mwakhalano nroromelo ni mwaahihovela, nyuwo munoowera opaka, ohikhanle paahi yeeyo opakiwaaya mwiri ola wa efiigu, menetho munoowera weerela mwaako ola: ‘Ovenye ni wamorele mphareiyani,’ ni hiiho eniipakeiye.

Atthu yaari ohoolowawe ni ottuliwawe yaahiipa ni ohakalalaxa yeeraka: “Hosana* wa Mwaana a Davide! Ooreelihiwa ti Yoowo ongwa mwa Nsina na Apwiya! Hosana* musulusulu!”

ni aaweerela: “Yoolempwa: ‘Empaaka eniyiitthaniwe empa ya nivekelo,’ mene nyuwo mumpaka nikhuku na anamwiiya!”

“Munleele mwaana a Siyoni: Mmoone, Mwenaanyu onimoowa wa nyuwo, iiyevihaka ni angwenleene buuru muthiyana, buuru muxaana, mwaana a buuru.”

Yeesu aaweerela: “Khamunasome Yoolempwa*: ‘Nluku anamateka yaakhoonttaaya, naathatuwa nluku noottittimiheyaxa. Apwiya yaapanke yeeyo ni ti yootikhinihaxa mmaithonimwahu?’

Tivawo, Miyo kinooleelani weera omwene wa wiirimu onuuvenxiwe wa nyuwo ni onuuvahiwe muloko omvaha soowiima sa omwene.