Popular Bible Verses from Okhuma 20

Share

“Miyo ti Yave Mulukwaanyu, mwa Yoowo ookhumihaleni wExipitu, elapo ya okaporo. Muhikhalane miluku sikina okihiya Miyo.

Muhiipakele ecaambulo ya miluku sikina mulikanxeraka yakhalaru etthu eri wiirimu hoye hoye vathi, naari mmaahini. Muhikokhorele seiyo naari muhilape, niwoko Miyo, Yave Mulukwaanyu, ti Muluku a ehace. Miyo kinaattaruxa anamwane niwoko na soottheka sa asitithaya mpaka ekhapira yanaararu ni yanaaxexe ya yaawo ankithanya.

Mwaattiitiimihe atithinyu ni amayinyu weera woorakameleni okumi mweelaponi Yave Mulukwaanyu onoovahaaweni.

Muupuwelele nihuku na eSaabadu mutteelihaka.

Muhinyemule Nsina na Yave Mulukwaanyu niwoko vekhaikhai Yave onimuttaruxa yoowo onnyemula Nsinanawe.

Mahuku mathannamosa a khula esimana mvareke mitekosanyu sootheene, mene nihuku nanaathannameeli ti eSaabadu ya Yave Mulukwaanyu. Nihuku nno muhivareru muteko nyuwo, hata anamwaniinyu asilopwana naari asithiyana, hata arumeiyaanyu asilopwana hoye hoye asithiyana, naari axinamaanyu, hata anamarwa ankhala musidadenimwanyu.

Muhiinlele vaate wa mukhwiinyu. Muhimwiinlele mwaara a mukhwiinyu, naari epottha elopwana hoye hoye ethiyana, naari emombaawe, hata buurwaawe, naari sakhalaru itthu sikina sa mukhwiinyu.

Muhikhale namoona oowootha a mukhwiinyu.

Muhiraruwe.

Muhiive.

Muhiiye.