Popular Bible Verses from Vafilifi 4

Share

Mutagisaghëësaghëe gwa gëntu mpa gëmwedu, ëgweeso gwa mantu oong'e ëse mumuromba Muungu, na umwinenera gwa mihori itambëëmwe na urumba, mafenji anyu na amanyëke kunë Muungu.

Na majëghana a Muungu, nëakëye umanyi woong'e, injë umughoja nkhoo yanyu na mahaa anyu kunë Kiristo Yesu.

Mpeo ayo, aruunane, asaa në atutë, asaa oong'e në akweti ukumu, asaa oong'e në atutë, asaa oong'e në asasëa, asaa oong'e në a uyanjo, asaa oong'e në amboto, nëmbesa gërëfo kangë nëgëkweti ikuryo, nëmbesa gërefo koong'e nëginoneye ukuriwa, ghemi mantu asaa.

Nguyadaha mantu oong'e mukhatë akwe mweeso nëugumpaa nguu.

Yanji mukhatë a Müküü matiku oong'e. Kangë nguhanya yanjëchi.

Na Muungu wane ugumufa mugëntu nëmugësëghëëte ugining'ana na ughwarë wakwe mu üküü mukhatë amwa Kiristo Yesu.

Mantu në mwisëiye ufuma kunë nene na mwayahangie na mwayategheeye na mwayaune kunë nene, yatendi; na Muungu wa majëghana ugutendeka itambëmwe nanyee.

Ufoo wanyu umanyëke na antu voong'e. Müküü wë fife uja.

Nene nëmanyie ginyumpya, na nëmanyie uhanga në maingë. Munduve oong'e na mantu oong'e nene nësëëye gëmpëhë gëkuta na uona njaa, uhanga mingë na ukefëwa.

Tiese nene ngurighëëtya vii gusoko ngufenja gëntu, gusoko nene nisëiye nduve uyanja ong'e na udëa ufëfa mugëntu nënëgëkweti.