Popular Bible Verses from 1 Akorinto 6

Share

Nyenye mumanyie vija mwino mwëërë wanyu në hekalu ra Mwahu Mweru në wë mukhatë anyu unë Muungu wamufee nyee. Nyenye muti nyenye aghonjo, ëgweeso nyenye muti maari anyu aghonjo. Muungu wamughurye nyenye gwa hela nkuu. Uvii mukurii Muungu mung'ë a mwëërë wanyu.

Nyenye mutimanyiena mwino antu nëti va tutë vëtinje uwusaa utemi wa Muungu? Nyenye mudaha umanya tutë ëyëë; mbesa muntu në muvaya mbesa antu nëvëukurya arungu va wegheghe, mbesa antu në aramatwë, nambesa aghosya nëvëgifiraa veeso gwa veeso, Muungu atiuvafa antu mwino avaa tutë a utëma itambëëmwe na mweeso. Antu vangëja në Muungu ati uvarekea vëtëme itambëëmwe na mweeso në ahëmbi, mbesa araku, mbesa aghai, mbesa vegheghe, mbesa a fumpi.

Mutatënde uvaya. Ihutye gëkaku në muntu ugurëtënda në gunji a mwëërë wakwe. Ëgweeso ulehadi wa gebwabwa në muntu wasuu ugutënda wë mukhatë a mwëërë wakwe.

“Në ruksa kunë nene utënda mantu oong'e,” ëgweeso ti mantu oong'e në ënoneye. “Në ruksa kunë nene utënda mantu oong'e,” ëgweeso nene ntiudaha gibalwa na intu roong'e.

Na Muungu wamufëtitye Yesu Kiristo ufuma gwakuyi, mweeso noo winjë ugufëtya sese gwa nguu yakwe.