Popular Bible Verses from Kölfel 142

Share

Ai Samol mi Lapalap, üa siö ngonuk. Üa üra: En ai lenien op me ineti me lon fanüen chon manau.

Kopwe angasaeila seni lon ewe lenien fötek, pwe üpwe tongeni mwareiti itom. Mürin, ekewe chon pwüng repwe mwicheto rei, pokiten ka afeiöchüei.

Lupwen üa apilükingau, i a fen silei mine üpwe föri. Ekewe chon oputaei ra aopala eu sär fän itei lon ewe al ia üa fetal ie.

Üa siö ngeni ewe Samol mi Lapalap fän leüömong, üa alapätä mweliei o tüngor ngeni pwe epwe ümöümöch ngeniei.

Kopwe afäli ai siö, pun üa fokun apilükingau. Kopwe angasaei seni ekewe chon ariaföüüei, pun ra kon pöchökül ngeniei.