Popular Bible Verses from Än Salomon Fos 26

Share

Kosap pälüeni eman chon tiparoch lon fosun umwes, pwe kosap wewe ngeni lon an tiparoch. Nge kopwe pälüeni eman chon tiparoch lon ükükün an tiparoch, pwe esap ekieki pwe a tipachem.

Eman chon tiparoch mi liwiniti an föförün tiparoch a usun chök eman kolak mi enisefäli musan.

Are esap wor mwüchün eu ekkei, ewe ekkei a kunula. Nge are esap wor eman mi luapas, anini a ükütiu.

Eman mi tuw eu pwang epwe püsin turutiu lon. Nge eman mi amwökütükütü eföü fau, ewe fau epwe püsin söküniti.

Ka küna eman mwän mi ikeetä pwe a tipachem? A wor watten apilükülük fän iten eman chon tiparoch lap seni ätewe mi püsin ikeetä.

Eman mi fosolong lon eu anini, nge esap fän itan, a usun chök eman mi fetal won al o turufi selingen eman kolak.