Popular Bible Verses from Aisea 55

Share

Iwe, iei alon ewe Samol mi Lapalap, “Ai ekiek resap wewe ngeni ämi ekiek kana, nge ämi al resap wewe ngeni ai al kana.

Pun usun läng a tekia seni fanüfan, iei usun ai al ra tekia seni ämi al kana, nge ai ekiek seni ämi ekiek kana.

Oupwe kütta ewe Samol mi Lapalap lupwen fansoun oua tongeni küna, oupwe köri, lupwen a arap.

Chon föföringau repwe likitala ar föför, nge chon pwüngingau kana repwe siwili ar ekiek. Repwe liwiniti ewe Samol mi Lapalap pwe epwe tongeäsiniir. Repwe kuliti ach Kot, pun a müttir le amusala tipis.

Ewe Samol mi Lapalap a apasa, “Ou etto, ämi meinisin mi kaka, oupwe feito o ün seni ewe koluk. Ämi mi wöüngauen moni, oupwe feito o angei enemi. Oupwe feito o angei ünümemi wain me milik, nge ousap möni.

Iwe, usun rän me snow ra püngütiu me läng, nge resap liwintä, pwe repwe mwo achönü pwül o aräsi fanü o apwükü irä, epwe pwal wor fotän chon fofot me enen chon mongö, iei usun ai kapas esap liwinto rei fän pön, pwe epwe afisätä mine üa tipeni o apwönüetä mine üa akünöü ngeni.

Iwe, oupwe towu seni Papilon fän pwapwa o feila fän kinamwe. Chukutekia me chukutekison repwe chietä köl me mwemi, nge irän lemäl meinisin repwe alopolop.

Oupwe aü selingemi o feito rei. Oupwe rongorong pwe ngünümi epwe manau. Iwe, ngang üpwe föri eu pwon esemüch ngenikemi o apwönüetä ai ümöümöch me tong usun üa fen pwon ngeni Tafit.