Popular Bible Verses from Aisea 54

Share

Nge esap wor och pisekin maun epwe tongeni afeiengauok. Iwe, kopwe tongeni pälüeni chokewe meinisin mi atipisuk lon kapwüng. Iei feiöchün nei kewe chon angang me rei, iei usun üa awineer.” Ewe Samol mi Lapalap a kapas.

Pun chukutekia kana repwe märela, chukutekison kana repwe chechech, nge ai ümöümöch ngonuk esap mär senuk, ai pwonen kinamwe esap mänükünük. Iei alon ewe Samol mi Lapalap, ewe a tongeek.”

Kosap niuokus, pun kosap säw. Kosap niueiti itengau, pun kosap küna turunufas. Iwe, kopwe manlükala om säw ka eäni lupwen fansoun om föpwül, nge kosap chüen chechemeni om itengau lupwen fansoun om lipichsefäl.

Pun Ewe mi Föruk epwe usun chök pwülüom reöm, itan Samol mi Unusen Manaman. Ewe mi Pin lon Israel om Chon Amanau, i ewe Kot mi nemeni unusen fanüfan.

Kopwe awattelai imwomw imw mangaku, kopwe pwal ameresala chechen lon rumwom, pwe kopwe awattelai. Iwe, kopwe alangatama selin imwom o anüküchara chüfölün.

Iwe, noum kewe mwän meinisin repwe kaiö seniei, üpwe awöüür o fang ngeniir kinamwe.

Lon watten ai song üa aopa senuk won mesei fansoun mochomoch, nge ren ümöümöch esemüch üpwe tongeäsinuk.’ Iei alon ewe Samol mi Lapalap om Chon Amanau.

‘Lon ekis chök fansoun üa lükisökuruk, nge ren tong mi lapalap üpwe etiwasefäliik.

Ei fansoun a usun chök ewe fansoun Noa me rei: Usun üa pwon fän akapel ngeni Noa pwe ewe noter esap chüen pwölüela fanüfan, ina usun üa pwal pwon fän akapel ngonuk pwe üsap chüen songeituk, üsap pwal chüen apwünguk.

Üpwe pwal föri ungom kewe seni ewe fau akit , asamalapom kewe seni fau mi meriweriw, nge tittum meinisin seni fau aüchea.