Popular Bible Verses from Aisea 26

Share

Ka ngeni chokewe mi kamwöchünük womw kinamwe, pun ra anomu ar apilükülük womw.

Iwe, oupwe lükü ewe Samol mi Lapalap fansoun meinisin, pun Kot ewe Samol mi Lapalap eu achau tori feilfeilachök.

Iwe, üa posituk lepwin, üa küttok ren unusen letipei. Lupwen ka apwüngü fanüfan, chon fanüfan ra kaiö mine a pwüng.

Äm Samol mi Lapalap, kopwe ngenikem kinamwe, pun äm angang meinisin aia föri en ka afisätä.

Äm aia apwönüetä om kewe allük o anomu äm apilükülük womw. Letipem a chök mochen chechemeni itom.

Äm Samol mi Lapalap, ka asonosonöchü ewe al ekewe chon pwüng repwe fetal won, ka pwal awenöchü ar kewe al.

A atekisonätiu chokewe mi lamalamtekia. A ataetiu ewe telinimw mi pöchökül ra imweimw lon, o aturätiu tittin lepwül.

Oupwe suki asamalapen ewe telinimw, pwe ewe mwichen aramas mi pwüng o allükülük epwe tongeni tolong lon.