Popular Bible Verses from Aisea 25

Share

Ai Samol mi Lapalap, en ai Kot. Üpwe ingeituk, üpwe pwal mwareiti itom, pun ka föri mettoch mi amwarar. Ka apwönüetä mine ka akota me lomlom fän allükülük me wenechar.

Iwe, Kot ewe Samol mi Lapalap epwe aükätiu mäla, pwe esap chüen wor tori feilfeilachök. Epwe talü chönün mas seni won mesen aramas meinisin o angei seni nöün aramas kana ar itengau ekis meinisin won fanüfan. Iei alon ewe Samol mi Lapalap.

Iwe, lon ena rän aramas repwe apasa, “Ellet, iei i ach Kot sa anomu ach lükülük won pwe epwe amanauakich, iei i ewe Samol mi Lapalap sa anomu ach apilükülük won. Ousipwe pwapwa o mwänek ren an amanauakich.”

Iwe, won ei chuk epwe angei seni aramas meinisin pwölüpwölün won meser, epwe angei seni chon ekewe mwü meinisin ewe pwölüpwölün letipeta a nonom wor.

Won ewe chuk Sion ewe Samol mi Unusen Manaman epwe amolätä eu kametip fän iten aramas meinisin won fanüfan, eu kametip ia epwe wor ie sokopaten mongö mi anö, pwal wain mi mürina.