Popular Bible Verses from Än Salomon Afalafal 8

Share

Iei mine üa mochen pwe aramas repwe pwapwa lon manauer. Pun esap wor och mettoch mi mürina ngeni aramas lap seni ar repwe mongö o ün fän pwapwa. Mürin ra pwal tongeni pwapwa lon ar angang weires lupwen ränin manauer Kot a ngeniir won fanüfan.

Ika mwo eman chon tipis a föföringau fän ipükü, nge a pwal manauatam, üa chök silei pwe chokewe mi niueiti Kot o meniniti repwe feiöch.

Iwe, a wor fansoun fän iten mettoch meinisin, a pwal wor lapalapen ar repwe fis, nge aramas ra chök silei ekis usun.

Esap wor eman a tongeni amwöchü ngünün, esap pwal wor eman a tongeni nemeni ränin an mäla. Usun eman sounfiu esap sü lupwen fansoun maun, iei usun eman chon föföringau esap tongeni ngasala seni liwinin an föför.

Are liwinin tipisin eman esap müttir fis, aramas repwe chök mochen föri föför mi ngau.

Mi pwal wor mettoch mi pön ra fis won fanüfan. Fän ekoch chon pwüngüöch ra angei mine ekewe chon pwüngingau repwe angei, nge chon pwüngingau ra angei mine ekewe chon pwüngüöch repwe angei. Üa apasa pwe pwal ei pön chök.

Pun aramas resap silei mine epwe fis me mürin. Nge iö a tongeni aiti ngeniir usun mine epwe fis?