Popular Bible Verses from Än Salomon Afalafal 7

Share

Kosap songokai, pun song a nom lon letipen chon umwes.

Lon fansoun om feiöch kopwe pwapwa, nge lon fansoun om osupwang kopwe ekieki: Kot a tinato feiöch me osupwang. Iei mine eman aramas esap tongeni silei mine epwe fis lon fansoun mwan.

A mürina lesopolan mettoch meinisin lap seni lepopun. Nge eman chon tipemosonoson a mürina seni eman chon tipetekia.

Ellet, esap fokun wor eman chon pwüng won fanüfan a chök föri mine a pwüng fansoun meinisin, nge esap wor an tipis.

Iwe, mirit a alisi aramas usun chök moni a pwal alisi aramas. Nge iei feiöchün silelap pwe eman mi mirit a tümwünü püsin manauan.

Iteüöchün eman a mürina seni lö mi aüchea, nge ränin än eman mäla a aüchea seni ränin an uputiu.

A mürina ngeni eman mwän an epwe aüselinga kapasen fön me ren eman mi mirit, lap seni an epwe aüselinga än eman chon umwes köl.

A mürina pwe eman epwe eti eu mwichen letipeta lap seni an epwe eti eu kametip. Pun chokewe mi manau repwe chechemeni pwe mäla sopolan aramas meinisin.

Ekiekin eman mi mirit a nom ren ekewe chon letipeta, nge ekiekin eman mi umwes a chök nom ren ekewe chon meseik.