Popular Bible Verses from SEPANAIA 3

Share

KAUN-O, omw Koht, ketiket rehmw; sapwellime manaman kin kahrehiong en powehdi. KAUN-O pahn ketin kupwurperenkin uhk, oh nan sapwellime limpoak e pahn ketikihong uhk mour kapw. E pahn ketin koul oh kupwurpereperenkin uhk

Ahnsowo kohkohdo! I pahn kapwurehdo noumwail aramas akan me mwarahkpesengier wasa kan nan uhdakarail; I pahn kupwurehda pwe kumwail en ndandla wasa koaros nan sampah oh pwurehng kapaiaikumwailda.” KAUN-O me mahmahsen.

KAUN-O ketin katokedier amwail lokolok; e ketikihsangehr amwail imwintihti kan koaros. KAUN-O, nanmwarkien Israel, ketiket rehmwail; solahr kahrepen amwail pahn masepwehk.

Ahnsowo kohkohdo! I pahn kaloke me kahpwalihkumwailla kan; I pahn kapitala me nehtuk koaros oh kapwurehdo me kalipilipalahr akan. I pahn wekidohng ar namenek ni waun, oh sampah pwon pahn kapinga irail.