Popular Bible Verses from 2 Petero 2

Share

Naaku mara keyielo naa ake Laitoriani neiko teneitai taatua ntemat lolo oourie ninye, neitaanyu lolo torrok mparri e Nkiguana, epikita ng'udi?

Naikach apake teneitu eyeilou nkoitiei e sipata, alang teneyielou neitoki aaibelekenya aaing'uaa nkiteng'ena sinyati naitarasakaki ninche. Kore nataasa ninche naa ana nejoito kuna dung'eta e rache nchere, <<Kerrinyokino ldia rrugumat enyena>>, naa <<Kerrinyokino lbitir oitukoki aiperiperare sordo.>>

Kejoki ꞉ninche ltung'ana keata lakunoto naasie ntoki pooki nayieu neas, nera ninche maate rrindiki ooitore ꞉mbaa e anyit naamut kenya ninche. Amu kera ltung'ani rrindik le ntoki pooki namir ninye, neitore.

Kore tanaa keilanya apa mbaa torrok e ana kop inia kata payie eyielou Laitoriani o Laitejeunoni lang Yeso Kristo, neitoki nenia baa torrok aarruach nerrek ninche, naaku kerroyo oleng netiu te siedi alang netiu apa tekue.

Kake keatae apake loibonok le sapare taatua ltung'ana le Isirael, ana napuonu sii laiteng'enak le sapare atua ntae kenya. Kore lolo tung'ana naa keyaki ntae nkiteng'ena e sapare nayau mutai, neany abaki ilo Aitoriani oinyieng'ua ninche, neyaki ate mutai nairrachu ninche asioki.