Popular Bible Verses from 1 Timoti 3

Share

Keng'amaa pooki ng'ae nchere kore neiko ꞉ltung'ani teneyanyit Nkai naa keisudoro, nera netipat oleng: /keibalunyieki ninye era ltung'ani, neibalunyie ꞉Ltau Sinyati ajo loosipat, nedol ꞉lmalaikani. Nelikori taatua loreren, neiruki to nkop, neiliepieki aaya nkitoo e chumata.

Keyiere naa, neaku larikoni ltung'ani lemeata nakurrieki, lpayian oyema ntomononi nabo ake, neipidari, netemu mbaa, neata nkanyit, neitoomonicho, neyielo aiteng'enicho

neyiere payie era ltung'ani oidim ataramata nkang enye, neiteng'en nkera enyena to nkoitiei supat, meyanyita nening ninye katukul.

Kore laisiaayiani le nkanisa, naa keyiere payie era lpayian oyema ntomononi nabo ake, neramat nkera enyena o nkang enye aitibiraki. Kore lolo oaas siaai lenche aaitibiraki, netumoki ate lorika le nkanyit o nkiteunoto kitok to nkurukoto naata taatua Kristo Yeso.